Read La Bible en Malgache Genesisy 36 Bible Online

Genesisy 36 - La Bible en Malgache bible

Genesisy 36

¹Ireto no taranak’i Esao na Edoma.

²I Esao dia naka vady tamin’ny zanakavavin’ny Kananita, dia i Ada, zanak’i Elona hetita, sy i Oholibama, zanak’i Ana, zanakavavin’i Zibona hivita,

³ary i Basemata, zanakavavin’Ismaela sady anabavin’i Nebaiota.

⁴I Ada dia niteraka an’i Elifaza tamin’i Esao; i Basemata dia niteraka an’i Regoela;

⁵i Oholibama dia niteraka an’i Jeosy sy i Jalama ary i Kora. Ireo no zanak’i Esao izay naterany tany amin’ny tany Kanana.

⁶Dia noentin’i Esao ny vadiny, ny zanany lahy sy ny zanany vavy, ny olona rehetra tao an-tranony, ny omby aman’ondriny sy ny biby fiompiny rehetra mbamin’ny fananany rehetra izay nohariny tany amin’ny tany Kanana ka lasa nankany amin’ny tany lavitra an’i Jakoba rahalahiny izy.

⁷Samy be loatra mantsy ny haren’izy mirahalahy ka tsy nahazo niara-monina izy; tsy omby azy ny tany fivahinianany, noho ny omby aman’ondriny.

⁸Koa nonina tany an-tendrombohitra Seìra i Esao na Edoma.

⁹Ireto no taranak’i Esao, razamben’ny Edomita any an-tendrombohitra Seìra.

¹⁰Ny anaran’ny zanakalahin’i Esao dia ireto avy: i Elifaza, zanak’i Ada, vadin’i Esao, sy i Regoela, zanak’i Basemata, vadin’i Esao.

¹¹Ny zanakalahin’i Elifaza dia i Temana, i Omara, i Zefo, i Gatama ary i Kenaza.

¹²I Timna no vady tsindranon’i Elifaza, zanakalahin’i Esao; niteraka an’i Amaleka tamin’i Elifaza izy. Ireo no zanakalahin’i Ada, vadin’i Esao.

¹³Ireto avy no zanakalahin’i Regoela: I Nahata, i Zera, i Sama ary i Miza. Ireo no zanakalahin’i Basemata, vadin’i Esao.

¹⁴Ireto kosa no zanakalahin’i Oholibama, zanakavavin’i Ana izay zanakavavin’i Zibona, vadin’i Esao: Niteraka an’i Jeosy sy i Jalama ary i Kora tamin’i Esao izy.

¹⁵Izao no loham-pirenena tamin’ny taranak’i Esao: Ny zanakalahin’i Elifaza, lahimatoan’i Esao, dia i Temana, loham-pireneny, i Omara, loham-pireneny, i Zefo, loham-pireneny, i Kenaza, loham-pireneny,

¹⁶i Kora, loham-pireneny, i Gatama, loham-pireneny ary i Amaleka, loham-pireneny. Ireo avy no loham-pirenena tamin’i Elifaza tany amin’ny tany Edoma. Ireo no zanak’i Ada.

¹⁷Izao kosa no zanakalahin’i Regoela, zanak’i Esao: I Nahata, loham-pireneny, i Zera, loham-pireneny, i Sama, loham-pireneny ary i Miza, loham-pireneny. Ireo avy no loham-pirenena tamin’i Regoela tany amin’ny tany Edoma. Ireo no zanak’i Basemata, vadin’i Esao.

¹⁸Izao no zanakalahin’i Oholibama, vadin’i Esao: I Jeosy, loham-pireneny, i Jalama, loham-pireneny, ary i Kora, loham-pireneny. Ireo avy no loham-pirenena tamin’i Oholibama, zanakavavin’i Ana, vadin’i Esao.

¹⁹Ireo no zanak’i Esao, izay atao koa hoe Edoma, ary ireo no loham-pireneny.

²⁰Ireto avy no zanakalahin’i Seìra horita, izay nonina tany: I Lotana, i Sobala, i Zibona, i Ana,

²¹i Disona, i Ezera ary i Disana. Ireo no loham-pirenena tamin’ny Horita, dia ny taranak’i Seìra, tany amin’ny tany Edoma.

²²Izao no zanakalahin’i Lotana: I Hory sy i Hemana. I Timna no anabavin’i Lotana.

²³Ireto no zanakalahin’i Sobala: I Alvana, i Manahata, i Ebala, i Sefò ary i Onama.

²⁴Izao no zanakalahin’i Zibona: I Aia sy i Ana. Izany Ana izany ilay nahita ny ranomafana tany an-tany efitra, raha niandry ny borikin’i Zibona rainy izy.

²⁵Ary izao no zanak’i Ana: I Disona sy i Oholibama, zanakavavin’i Ana.

²⁶Ary izao no zanakalahin’i Disona: I Hemdana, i Esbana, i Jitirana ary i Kerana.

²⁷Izao no zanak’i Ezera: I Bilana sy i Zavana ary i Akana.

²⁸Izao no zanak’i Disana: I Oza sy i Arana.

²⁹Ary izao avy no loham-pirenena tamin’ny Horita: I Lotana, loham-pireneny, i Sobala, loham-pireneny, i Zibona, loham-pireneny, i Ana, loham-pireneny,

³⁰i Disona, loham-pireneny, i Ezera, loham-pireneny ary i Disana, loham-pireneny. Ireo no loham-pirenena tamin’ny Horita, dia ny loham-pireneny tany amin’ny tany Seìra.

³¹Ireto no mpanjaka nanjaka tany amin’ny tany Edoma, fony tsy mbola nisy mpanjaka nanjaka tamin’ny Zanak’Israely:

³²Nanjaka tany Edoma i Bela, zanak’i Beora, ka Dinaba no anaran’ny tanànany.

³³Nony maty i Bela dia nanjaka nandimby azy i Jobaba, zanak’i Zera avy tany Bozra.

³⁴Rehefa maty i Jobaba dia nanjaka nandimby azy i Hosama avy tamin’ny tanin’ny Temanita.

³⁵Nony maty i Hosama dia nanjaka nandimby azy i Hadada, zanak’i Bedada, izay namely ny Midianita tany amin’ny tany Moaba; Avita no anaran’ny tanànany.

³⁶Rehefa maty i Hadada dia nanjaka nandimby azy i Samla avy tany Masreka.

³⁷Nony maty i Samla, dia nanjaka nandimby azy i Saoly avy tany Rehobota eo amoron’ny ony.

³⁸Rehefa maty i Saoly dia nanjaka nandimby azy i Baala-Hanana, zanak’i Akbora.

³⁹Nony maty i Baala-Hanana, zanak’i Akbora, dia nanjaka nandimby azy i Hadara. Pao no anaran’ny tanànany, ary ny anaran’ny vadiny dia Mehetabela, zanakavavin’i Matireda, zanakavavin’i Me-Zahaba.

⁴⁰Ary izao no anaran’ny loham-pirenena tamin’ny taranak’i Esao, araka ny mpianakaviny, araka ny fonenany sy araka ny anarany: i Timna, loham-pirenena, i Alva, loham-pirenena, i Jeteta, loham-pirenena,

⁴¹i Oholibama, loham-pirenena, i Elaha, loham-pirenena, i Pinona, loham-pirenena,

⁴²i Kenaza, loham-pirenena, i Temana, loham-pirenena, i Mibzara, loham-pirenena,

⁴³i Magdiela, loham-pirenena ary Irama, loham-pirenena. Ireo no loham-pirenena tamin’ny Edomita, araka ny fonenany tany amin’ny taniny avy. Izany ary no Esao, razamben’ny Edomita.