Read La Bible en Malgache Genesisy 5 Bible Online

Genesisy 5 - La Bible en Malgache bible

Genesisy 5

¹Ity no boky milaza ny taranak’i Adama. Tamin’ny andro naharian’Andriamanitra ny olona dia tahaka ny tarehin’Andriamanitra no nanaovany azy.

²Lahy sy vavy no nahariany azy ireo; dia nitahy azy Izy ka nanao ny anarany hoe Adama, tamin’ny andro nahariany azy.

³Telopolo amby zato taona i Adama raha niteraka tahaka ny tarehiny, araka ny endriny, ary ny anarany dia nataony hoe Seta.

⁴Ny andron’i Adama taorianan’ny niterahany an’i Seta dia valonjato taona; niteraka zazalahy sy zazavavy izy.

⁵Ny andro rehetra niainan’i Adama dia telopolo sy sivinjato taona; dia maty izy.

⁶Dimy amby zato taona i Seta raha niteraka an’i Enosy.

⁷Ny andro niainan’i Seta taorianan’ny niterahany an’i Enosy dia fito sy valonjato taona; niteraka zazalahy sy zazavavy izy.

⁸Ny andro rehetra niainan’i Seta dia roa amby folo sy sivinjato taona; dia maty izy.

⁹Sivifolo taona i Enosy raha niteraka an’i Kenana.

¹⁰Ny andro niainan’i Enosy taorianan’ny niterahany an’i Kenana dia dimy amby folo sy valonjato taona; niteraka zazalahy sy zazavavy izy.

¹¹Ny andro rehetra niainan’i Enosy dia dimy sy sivinjato taona; dia maty izy.

¹²Fitopolo taona i Kenana raha niteraka an’i Mahalalila.

¹³Ny andro niainan’i Kenana taorianan’ny niterahany an’i Mahalalila dia efapolo sy valonjato taona; niteraka zazalahy sy zazavavy izy.

¹⁴Ny andro rehetra niainan’i Kenana dia folo sy sivinjato taona; dia maty izy.

¹⁵Dimy amby enimpolo taona i Mahalalila raha niteraka an’i Jareda.

¹⁶Ny andro niainan’i Mahalalila taorianan’ny niterahany an’i Jareda dia telopolo sy valonjato taona; niteraka zazalahy sy zazavavy izy.

¹⁷Ny andro rehetra niainan’i Mahalalila dia dimy amby sivifolo sy valonjato taona; dia maty izy.

¹⁸Roa amby enimpolo amby zato taona i Jereda raha niteraka an’i Enoka.

¹⁹Ny andro niainan’i Jereda taorianan’ny niterahany an’i Enoka dia valonjato taona; niteraka zazalahy sy zazavavy izy.

²⁰Ny andro rehetra niainan’i Jereda dia roa amby enimpolo sy sivinjato taona; dia maty izy.

²¹Dimy amby enimpolo taona i Enoka raha niteraka an’i Metosela.

²²Ary niara-nandeha tamin’Andriamanitra telonjato taona i Enoka taorianan’ny niterahany an’i Metosela; niteraka zazalahy sy zazavavy izy.

²³Ny andro rehetra niainan’i Enoka dia dimy amby enimpolo sy telonjato taona.

²⁴Niara-nandeha tamin’Andriamanitra i Enoka; koa tsy hita izy, satria nalain’Andriamanitra.

²⁵Fito amby valopolo amby zato taona i Metosela raha niteraka an’i Lameka.

²⁶Ny andro niainan’i Metosela taorianan’ny niterahany an’i Lameka dia roa amby valopolo sy fitonjato taona; niteraka zazalahy sy zazavavy izy.

²⁷Ny andro rehetra niainan’i Metosela dia sivy amby enimpolo sy sivinjato taona; dia maty izy.

²⁸Roa amby valopolo amby zato taona i Lameka raha niteraka zazalahy.

²⁹Ny anarany nataony hoe Noa[7], fa hoy izy: Ity no hampionona antsika amin’ny asantsika sy ny fisasaran’ny tanantsika noho ny tany izay nozonin’NY TOMPO.

³⁰Ny andro niainan’i Lameka taorianan’ny niterahany an’i Noa dia dimy amby sivifolo sy dimanjato taona; niteraka zazalahy sy zazavavy izy.

³¹Ny andro rehetra niainan’i Lameka dia fito amby fitopolo sy fitonjato taona; dia maty izy.

³²Dimanjato taona i Noa raha niteraka an’i Sema sy i Hama ary i Jafeta.