Read La Bible en Malgache 1Mpanjaka 4 Bible Online

1Mpanjaka 4 - La Bible en Malgache bible

1Mpanjaka 4

¹Nanjaka tamin’ny Israely rehetra i Solomona mpanjaka.

²Ireto no mpitondra tao aminy: I Azaria, zanak’i Zadoka, no mpisorona;

³i Elihorefa sy i Ahia, zanak’i Sisà, no mpitantsoratra; i Josafata, zanak’i Ahiloda, no mpitadidy ny raharaham-panjakana;

⁴i Benaia, zanak’i Joiada, no komandin’ny miaramila; i Zadoka sy i Abiatara no mpisorona;

⁵i Azaria, zanak’i Natana, no lehiben’ny olona voatendry; i Zaboda, zanak’i Natana, namana akaikin’ny mpanjaka;

⁶i Ahisara no lehiben’ny tao an-dapa; i Adonirama, zanak’i Abda, no lehiben’ny mpanao fanompoana.

⁷Ary nanendry mpifehy roa amby folo lahy ho amin’ny Israely rehetra i Solomona hiadidy ny zavatra rehetra nilain’ny mpanjaka sy ny ankohonany; samy niadidy ny iray volana avy amin’ny taona iray izy ireo.

⁸Ireto avy ny anarany: I Beny-Hora no tany amin’ny tany be havoana any Efraima;

⁹i Beny-Dekera no tao Makaza sy tao Salbima sy Bety-Semesy ary Elona-Bety-Hanana;

¹⁰i Beny-Heseda no tao Arobota; i Soko sy ny tany Hefera manontolo no azy;

¹¹i Beny-Abinadaba no tao amin’ny havoanan’i Dora rehetra. I Tafata, zanakavavin’i Solomona, no vadiny;

¹²i Bana, zanak’i Ahiloda; azy kosa i Tanàka sy Megido ary Bety-Sana rehetra, izay anilan’i Zaretana, ambanin’i Jezirela, hatrany Bety-Sana ka hatrany Abela-Mehola, dia hatrany ankoatra an’i Jokneama;

¹³i Beny-Gebera no tao Ramota-Gileada; ireo tanànan’ny mpitoetra an-tranolay izay an’i Jaira, zanak’i Manase, izay any Gileada, no azy; azy koa ny tanin’i Argoba, izay any Basana, dia tanàna enimpolo lehibe nisy manda sy hidy varahina;

¹⁴i Ahinadaba, zanak’i Ido, no tany Mahanaima;

¹⁵i Ahimaza no tany Naftaly. Izy kosa dia nanambady an’i Basemata, zanakavavin’i Solomona;

¹⁶i Bana, zanak’i Hosay, no tany Asera sy Alota;

¹⁷i Josafata, zanak’i Paroa, no tany Isakara;

¹⁸i Simey, zanak’i Ela, no tany Benjamina;

¹⁹i Gebera, zanak’i Orỳ, no tany amin’ny tany Gileada, tanin’i Sihona, mpanjakan’ny Amorita, sy i Oga, mpanjakan’i Basana; ary izy ihany no mpifehy voatendry ho amin’izany tany izany.

²⁰Ny Joda sy ny Israely moa dia tena maro ka tahaka ny fasika amoron-dranomasina ny hamarony. Nihinana sy nisotro ny olona sady nifaly.