Read La Bible en Malgache 1Tantara 2 Bible Online

1Tantara 2 - La Bible en Malgache bible

1Tantara 2

¹Ireto no zanakalahin’Israely: I Robena, i Simeona, i Levy, i Joda, Isakara, i Zebolona,

²i Dana, i Josefa, i Benjamina, i Naftaly, i Gada ary i Asera.

³Ny zanakalahin’i Joda dia i Era sy i Onana ary i Sela; ireo telo ireo no naterak’i Baty-Soa kananita taminy. Ratsy fanahy teo imason’NY TOMPO i Era, lahimatoan’i Joda, ka nahafaty azy NY TOMPO.

⁴I Tamara vinantovaviny no niteraka an’i Fareza sy i Zera taminy. Dimy no zanakalahin’i Joda rehetra.

⁵Ny zanakalahin’i Fareza dia i Hezrona sy i Hamola.

⁶Ny zanakalahin’i Zera dia i Zimry, i Etana, i Hemana, i Kalkola ary i Dara; dimy lahy no isany.

⁷Ny zanakalahin’i Karmy dia i Akara, izay nampidi-doza ny Israely tamin’ny nandikany ny didy ny amin’ny zavatra voaozona.

⁸Ny zanakalahin’i Etana dia i Azaria.

⁹Ny zanakalahin’i Hezrona izay naterany dia i Jeramela sy i Rama ary i Kelobay.

¹⁰I Rama no niteraka an’i Aminadaba; i Aminadaba no niteraka an’i Nasona, lohan’ny taranak’i Joda;

¹¹ary i Nasona no niteraka an’i Salma; i Salma no niteraka an’i Boaza;

¹²i Boaza no niteraka an’i Obeda; i Obeda no niteraka an’i Jese;

¹³i Jese no niteraka an’i Eliaba, lahimatoa; i Abinadaba, lahiaivo; i Simea, fahatelo,

¹⁴i Netanela, fahefatra; i Raday, fahadimy;

¹⁵i Ozema, fahenina; ary i Davida, faralahy;

¹⁶ny anabavin-dry zareo dia i Zeroia sy i Abigaila; telo ny zanakalahin’i Zeroia, dia i Abisay, i Joaba ary i Asahela;

¹⁷ary i Abigaila no niteraka an’i Amasa; ary i Jitira ismaelita no rain’i Amasa.

¹⁸Ary i Kaleba, zanakalahin’i Hezrona, no niteraka tamin’i Azoba vadiny sy tamin’i Jeriota. Ireto no zanakalahin’i Azoba: I Jasera sy i Sobaba ary i Ardona.

¹⁹Nony maty i Azoba dia i Efrata no nalain’i Kaleba ho vadiny, ary niteraka an’i Hora taminy izy.

²⁰I Hora no niteraka an’i Orỳ; i Orỳ no niteraka an’i Bezalila.

²¹Tatỳ aoriana dia niray tamin’ny zanakavavin’i Makira, rain’i Gileada, i Hezrona. Enimpolo taona izy raha naka azy ho vady; ary niteraka an’i Segoba taminy Ravehivavy;

²²ary i Segoba no niteraka an’i Jaira, izay nanana tanàna madinika telo amby roapolo tany amin’ny tany Gileada.

²³Nalain’i Gesora sy i Arama tamin’ny Jairita ny tanàna madinika an’i Jaira mbamin’i Kenata sy ny vohitra miankina aminy, dia tanàna enimpolo izany. Ireo rehetra ireo dia an’ny zanak’i Makira, rain’i Gileada.

²⁴Nony maty tany Kaleba-Efrata i Hezrona dia niteraka an’i Asora, rain’ny any Tekoa, taminy, i Abia vadin’i Hezrona.

²⁵Ny zanakalahin’i Jeramela, lahimatoan’i Hezrona, dia i Rama, lahimatoa, i Bona, i Orena, i Ozema ary i Ahia.

²⁶Nanana vady hafa koa i Jeramela, Atara no anarany; izy no renin’i Onama.

²⁷Ny zanakalahin’i Rama, lahimatoan’i Jeramela, dia i Maza sy i Jamina ary i Ekera.

²⁸Ny zanakalahin’i Onama dia i Samay sy i Jada. Ny zanakalahin’i Samay dia i Nadaba sy i Abisora.

²⁹Ny anaran’ny vadin’i Abisora dia i Abihaila; ary niteraka an’i Abana sy i Molida taminy izy.

³⁰Ny zanakalahin’i Nadaba dia i Seleda sy i Apaima. Maty momba kosa i Seleda.

³¹Ny zanakalahin’i Apaima dia i Jisy. Ny zanakalahin’i Jisy dia i Sesana. Ny zanakalahin’i Sesana dia i Ahelay.

³²Ny zanakalahin’i Jada, rahalahin’i Samay, dia i Jetera sy i Jonatana; nefa maty momba i Jetera.

³³Ny zanakalahin’i Jonatana dia i Paleta sy i Zazà. Ireo no zanakalahin’i Jeramela.

³⁴Tsy nanana zanakalahy i Sesana fa vavy avokoa. Nanana mpanompo ejiptiana i Sesana, i Jara no anarany.

³⁵Nomen’i Sesana ho vadin’i Jara mpanompony ny zanany vavy; ary niteraka an’i Atahy taminy izy.

³⁶I Atahy no niteraka an’i Natana; i Natana no niteraka an’i Zabada;

³⁷i Zabada no niteraka an’i Efilala; i Efilala no niteraka an’i Obeda;

³⁸i Obeda no niteraka an’i Jeho; i Jeho no niteraka an’i Azaria;

³⁹i Azaria no niteraka an’i Heleza; i Heleza no niteraka an’i Elasa;

⁴⁰i Elasa no niteraka an’i Sismay; i Sismay no niteraka an’i Saloma;

⁴¹i Saloma no niteraka an’i Jekamia; ary i Jekamia no niteraka an’i Elisama.

⁴²Ny zanakalahin’i Kaleba, rahalahin’i Jeramela, dia i Mesa, lahimatoa, rain’ny any Zifa, sy ny zanakalahin’i Maresa, rain’ny any Hebrona.

⁴³Ny zanakalahin’i Hebrona dia i Kora, i Tapoa, i Rekema ary i Sema.

⁴⁴I Sema no niteraka an’i Rahama, rain’i Jorkeama, i Rekema no niteraka an’i Samay;

⁴⁵ny zanakalahin’i Samay dia i Maona; i Maona no rain’ny any Bety-Zora;

⁴⁶ary i Efaha, vady tsindranon’i Kaleba, no niteraka an’i Harana sy i Moza ary i Gazeza. Ary i Harana no niteraka an’i Gazeza.

⁴⁷Ny zanakalahin’i Jeday dia i Regema, i Jotama, i Gesana, i Paleta, i Efaha ary i Safa.

⁴⁸Ary i Maka, vady tsindranon’i Kaleba, no niteraka an’i Sebera sy i Tirana.

⁴⁹Niteraka an’i Safa, rain’ny any Madmana, sy i Seva, rain’ny any Makbena sady rain’ny any Gibea koa izy; ary ny zanakavavin’i Kaleba dia i Aksa.

⁵⁰Izao no zanakalahin’i Kaleba, zanak’i Hora, lahimatoan’i Efrata: I Sobala, rain’ny any Kiriata-Jearima;

⁵¹i Salma, rain’ny any Betlehema; i Harefa, rain’ny any Bety-Gadera.

⁵²Nanan-janakalahy i Sobala, rain’ny any Kiriata-Jearima, dia i Haroe sy i Hatsỳ-Hamenokota.

⁵³Ny fokon’i Kiriata-Jearima dia ny Jitirila, ny Potita, ny Somatita ary ny Misraita; avy tamin’ireo no niavian’ny Zoraìta sy ny Estaolita.

⁵⁴Ny zanakalahin’i Salma dia i Betlehema, ny Netofatita, i Atarota-Bety-Joaba, i Hatsỳ-Hamanatita, ny Zoraìta

⁵⁵ary ny fokon’ny mpanoratra izay nonina tany Jabeza, dia ny Tiratita sy ny Simeatita ary ny Sokatita. Ireo no Kenita avy tamin’i Hamata, rain’ny taranak’i Rekaba.