Read La Bible en Malgache 1Tantara 24 Bible Online

1Tantara 24 - La Bible en Malgache bible

1Tantara 24

¹Ny amin’ny taranak’i Arona dia izao no nizarana azy ho antokony: Ny zanakalahin’i Arona dia i Nadaba, i Abiho, i Eleazara ary Itamara.

²I Nadaba sy i Abiho dia maty talohan’ny rainy sady samy tsy nanan-janaka, koa dia i Eleazara sy Itamara no nanao raharaha fisoronana.

³I Davida sy i Zadoka, isan’ny taranak’i Eleazara, sy i Ahimeleka, isan’ny taranak’Itamara, dia nizara azy araka ny antokony sy ny fanompoany avy.

⁴Tamin’ny taranak’i Eleazara dia maromaro kokoa ny lohan’ny fianakaviana noho ny tamin’ny taranak’Itamara ka nozarainy toy izao izy: Tamin’ny taranak’i Eleazara dia enina amby folo no lohan’ny fianakaviana; ary tamin’ny taranak’Itamara dia valo kosa no lohan’ny fianakaviana.

⁵Samy nozarazaraina tamin’ny antsapaka avokoa izy rehetra; fa samy mpitandrina ny zava-masina, dia mpitandrina voatendry ho an’Andriamanitra avokoa, na ny avy tamin’ny taranak’i Eleazara, na ny avy tamin’ny taranak’Itamara.

⁶I Semaia, zanak’i Netanela, mpitantsoratra iray tamin’ny levita*, no nanoratra azy teo anatrehan’ny mpanjaka, ny mpanapaka, i Zadoka mpisorona, i Ahimeleka, zanak’i Abiatara ary teo anatrehan’ny loham-pianakavian’ny mpisorona sy ny levita. Fianakaviana iray no nalaina ho an’i Eleazara, ary iray kosa dia ho an’Itamara.

⁷Ny antsapaka voalohany dia azon’i Joariba, ny faharoa dia an’i Jedaia,

⁸ny fahatelo dia an’i Harima, ny fahefatra dia an’i Seorima,

⁹ny fahadimy dia an’i Malkia, ny fahenina dia an’i Miamina,

¹⁰ny fahafito dia an’i Koza, ny fahavalo dia an’i Abia,

¹¹ny fahasivy dia an’i Jesoa, ny fahafolo dia an’i Sekania,

¹²ny fahiraika amby folo dia an’i Eliasiba, ny faharoa amby folo dia an’i Jakima,

¹³ny fahatelo amby folo dia an’i Hopa, ny fahefatra amby folo dia an’i Jesebaba,

¹⁴ny fahadimy amby folo dia an’i Bilga, ny fahenina amby folo dia an’Imera,

¹⁵ny fahafito amby folo dia an’i Hezira, ny fahavalo amby folo dia an’i Hapizeza,

¹⁶ny fahasivy amby folo dia an’i Petahia, ny faharoapolo dia an’i Jehezekela,

¹⁷ny fahiraika amby roapolo dia an’i Jakina, ny faharoa amby roapolo dia an’i Gamola,

¹⁸ny fahatelo amby roapolo dia an’i Delaia, ny fahefatra amby roapolo dia an’i Mazia.

¹⁹Ireo avy no antokony amin’ny fanompoany izay hidirany ao amin’ny tranon’NY TOMPO araka ny fitsipika voatendrin’i Arona rainy, araka ny nandidian’NY TOMPO, Andriamanitry ny Israely, azy.

²⁰Tamin’ny taranak’i Levy sisa dia izao: Tamin’ny taranak’i Amrama dia i Sobaela; tamin’ny zanak’i Sobaela dia i Jedaia.

²¹Ny amin’i Rehabia: Tamin’ny taranak’i Rehabia dia i Jisia no voalohany.

²²Tamin’ny Jizarita dia i Selomota; tamin’ny taranak’i Selomota dia i Jahata.

²³Ny amin’ny taranak’i Hebrona dia i Jeria no voalohany, i Amaria no faharoa, i Jahaziela no fahatelo, i Jekameama no fahefatra.

²⁴Ny zanakalahin’i Oziela dia i Mika; tamin’ny taranak’i Mika dia i Samira;

²⁵ny rahalahin’i Mika dia i Jisia; tamin’ny taranak’i Jisia dia i Zakaria.

²⁶Ny zanakalahin’i Merary dia i Maly sy i Mosy; ny zanakalahin’i Jazia dia i Beno.

²⁷Ny zanakalahin’i Merary tamin’i Jazia dia i Beno, i Sohama, i Zakora ary Ibry.

²⁸Avy tamin’i Maly no niavian’i Eleazara izay tsy nanan-janakalahy.

²⁹Ny amin’i Kisy, ny zanany lahy dia i Jeramela.

³⁰Ny zanakalahin’i Mosy dia i Maly sy i Edera ary i Jerimota. Ireo no taranaky ny levita* araka ny fianakaviany avy.

³¹Ary ireo dia mba nanao antsapaka tahaka ireo rahalahiny, taranak’i Arona, teo anatrehan’i Davida mpanjaka sy i Zadoka ary i Ahimeleka sy ny lohan’ny fianakavian’ny mpisorona ary ny levita: Nanao antsapaka avokoa na ny zokiny na ny zandriny.