Read La Bible en Malgache 1Tantara 25 Bible Online

1Tantara 25 - La Bible en Malgache bible

1Tantara 25

¹Ny taranak’i Asafa sy i Hemana ary i Jedotona dia natokan’i Davida sy ireo lehiben’ny miaramila ho amin’ny fanompoana mba haminany amin’ny lokanga sy ny valiha ary ny kipantsona. Izao no isan’ny mpanao raharaha araka ny fanompoany avy:

²Tamin’ny zanakalahin’i Asafa dia i Zakora, i Josefa, i Netania ary i Asarela, zanak’i Asafa, notarihin’i Asafa, izay naminany araka izay nitarihan’ny mpanjaka azy.

³Tamin’i Jedotona, ny zanany dia i Gedalia, i Zery, i Jesaia, i Hasabia ary i Matitia; enin-dahy ireo ka notarihin’i Jedotona rainy, izay naminany tamin’ny lokanga hidera sy hisaotra NY TOMPO.

⁴Tamin’i Hemana, ny zanany dia i Bokia, i Matania, i Oziela, i Seboela, i Jerimota, i Hanania, i Hanany, i Eliata, i Gidalty, i Romamty-Ezera, i Josbekasa, i Maloty, i Hotira ary i Mahaziota.

⁵Ireo rehetra ireo no zanak’i Hemana, mpahitan’ny mpanjaka ny amin’ny tenin’Andriamanitra, natao hanandratra ny tandroka. Ary i Hemana dia efa nomen’Andriamanitra zazalahy efatra amby folo sy zazavavy telo.

⁶Ireo rehetra ireo no teo ambany fitarihan’ny rainy tamin’ny hira natao tao amin’ny tranon’NY TOMPO, tamin’ny kipantsona sy ny valiha ary ny lokanga hanaovana ny fanompoana ao amin’ny tranon’Andriamanitra. I Asafa sy i Jedotona ary i Hemana dia teo ambany fitarihan’ny mpanjaka.

⁷Ny isan’izy ireo, miaraka amin’ny rahalahiny, izay efa nianatra ny hira ho an’NY TOMPO ka tonga lafatra ny fahaizany azy, dia valo amby valopolo sy roanjato.

⁸Nanao antsapaka ny amin’ny anjara raharahany avy izy, na ny kely na ny lehibe, na ny mpampianatra na ny mpianatra.

⁹Ny antsapaka voalohany dia azon’i Josefa avy amin’ny taranak’i Asafa; ny faharoa dia an’i Gedalia, izy mbamin’ny rahalahiny sy ny zanany: Roa amby folo;

¹⁰ny fahatelo dia an’i Zakora, izy mbamin’ny zanany sy ny rahalahiny: Roa amby folo;

¹¹ny fahefatra dia an’i Jizry, izy mbamin’ny zanany sy ny rahalahiny: Roa amby folo;

¹²ny fahadimy dia an’i Netania, izy mbamin’ny zanany sy ny rahalahiny: Roa amby folo;

¹³ny fahenina dia an’i Bokia, izy mbamin’ny zanany sy ny rahalahiny: Roa amby folo;

¹⁴ny fahafito dia an’i Jesarela, izy mbamin’ny zanany sy ny rahalahiny: Roa amby folo;

¹⁵ny fahavalo dia an’i Jesaia, izy mbamin’ny zanany sy ny rahalahiny: Roa amby folo;

¹⁶ny fahasivy dia an’i Matania, izy mbamin’ny zanany sy ny rahalahiny: Roa amby folo;

¹⁷ny fahafolo dia an’i Simey, izy mbamin’ny zanany sy ny rahalahiny: Roa amby folo;

¹⁸ny fahiraika amby folo dia an’i Azarela, izy mbamin’ny zanany sy ny rahalahiny: Roa amby folo;

¹⁹ny faharoa amby folo dia an’i Hasabia, izy mbamin’ny zanany sy ny rahalahiny: Roa amby folo;

²⁰ny fahatelo amby folo dia an’i Sobaela, izy mbamin’ny zanany sy ny rahalahiny: Roa amby folo;

²¹ny fahefatra amby folo dia an’i Matitia, izy mbamin’ny zanany sy ny rahalahiny: Roa amby folo;

²²ny fahadimy amby folo dia an’i Jeremota, izy mbamin’ny zanany sy ny rahalahiny: Roa amby folo;

²³ny fahenina amby folo dia an’i Hanania, izy mbamin’ny zanany sy ny rahalahiny: Roa amby folo;

²⁴ny fahafito amby folo dia an’i Josbekasa, izy mbamin’ny zanany sy ny rahalahiny: Roa amby folo;

²⁵ny fahavalo amby folo dia an’i Hanany, izy mbamin’ny zanany sy ny rahalahiny: Roa amby folo;

²⁶ny fahasivy amby folo dia an’i Maloty, izy mbamin’ny zanany sy ny rahalahiny: Roa amby folo;

²⁷ny faharoapolo dia an’i Eliata, izy mbamin’ny zanany sy ny rahalahiny: Roa amby folo;

²⁸ny fahiraika amby roapolo dia an’i Hotira, izy mbamin’ny zanany sy ny rahalahiny: Roa amby folo;

²⁹ny faharoa amby roapolo dia an’i Gidalty, izy mbamin’ny zanany sy ny rahalahiny: Roa amby folo;

³⁰ny fahatelo amby roapolo dia an’i Mahaziota, izy mbamin’ny zanany sy ny rahalahiny: Roa amby folo;

³¹ny fahefatra amby roapolo dia an’i Romamty-Ezera, izy mbamin’ny zanany sy ny rahalahiny: Roa amby folo.