Read La Bible en Malgache 1Tantara 9 Bible Online

1Tantara 9 - La Bible en Malgache bible

1Tantara 9

¹Nalaina isa araka ny firazanany avy ny Israely rehetra; ary indro, efa voasoratra ao amin’ny bokin’ny mpanjakan’ny Israely izany. Ny Joda dia noentina ho babo tany Babilona noho ny fahotany.

²Ny mponina voalohany tamin’ny taniny sy ny tanànany avy dia ny Israelita sy ny mpisorona ary ny levita* sy ny Netinima.

³Tany Jerosalema no nonenan’ny sasany avy amin’ny taranak’i Joda, ny sasany avy amin’ny taranak’i Benjamina, ny sasany avy amin’ny taranak’i Efraima ary ny sasany avy amin’ny taranak’i Manase,

⁴dia i Otahy, zanak’i Amihoda, zanak’i Omry, zanak’Imry, zanak’i Bany, avy amin’ny taranak’i Fareza, zanak’i Joda.

⁵Tamin’ny Silonita dia i Asaia, lahimatoa, sy ny zanany.

⁶Tamin’ny taranak’i Zera dia i Jeoela sy ny rahalahiny, sivifolo sy eninjato.

⁷Tamin’ny taranak’i Benjamina dia i Salo, zanak’i Mesolama, zanak’i Hodavia, zanak’i Hasenoa;

⁸i Jibnia, zanak’i Jerohama; i Elaha, zanak’i Ozy, zanak’i Mikry; i Mesolama, zanak’i Sefatia, zanak’i Regoela, zanak’i Jibnia;

⁹ary ny isan’ny rahalahiny araka ny firazanany dia enina amby dimampolo sy sivinjato. Ireo lehilahy rehetra ireo dia samy loham-pianakaviany avy.

¹⁰Tamin’ny mpisorona dia i Jedaia, i Jehoiariba, i Jakina,

¹¹i Azaria, zanak’i Hilkia, zanak’i Mesolama, zanak’i Zadoka, zanak’i Meraiota, zanak’i Ahitoba, mpanapaka ny tranon’Andriamanitra;

¹²i Adaia, zanak’i Jerohama, zanak’i Pasora, zanak’i Malkia ary i Masay, zanak’i Adiela, zanak’i Jazera, zanak’i Mesolama, zanak’i Mesilemita, zanak’Imera.

¹³Ny rahalahin’ireo, izay samy loham-pianakaviany avy, dia enimpolo sy fitonjato sy arivo; lehilahy mahery amin’ny fanaovana ny fanompoana ao amin’ny tranon’Andriamanitra ireo.

¹⁴Tamin’ny levita dia i Semaia, zanak’i Hasoba, zanak’i Azrikama, zanak’i Hasabia, tamin’ny taranak’i Merary;

¹⁵i Bakbakara, i Haresy, i Galala ary Matania, zanak’i Mika, zanak’i Zikry, zanak’i Asafa;

¹⁶i Obadia, zanak’i Semaia, zanak’i Galala, zanak’i Jedotona ary i Berekia, zanak’i Asa, zanak’i Elkana, izay nonina tamin’ny vohitry ny Netofatita.

¹⁷Ny mpiandry varavarana dia i Saloma, i Akoba, i Talmona, i Ahimana ary ny rahalahiny, fa i Saloma no lohany;

¹⁸ambaraka ankehitriny dia ao amin’ny vavahadin’ny mpanjaka ao atsinanana izy. Ireo no mpiandry varavarana tamin’ny tobin’ny taranak’i Levy.

¹⁹I Saloma, zanak’i Kore, zanak’i Abiasafa, zanak’i Kora, sy ny Koraìta rahalahiny araka ny fianakaviany avy no mpanao ny fanompoana amin’ny fiandrasana ny varavaran’ny tranolay; ny razany koa dia mpiambina ny vavahady tao amin’ny tobin’NY TOMPO.

²⁰I Finehasa, zanak’i Eleazara, no mpanapaka ireo taloha, ary NY TOMPO nomba azy.

²¹I Zakaria, zanak’i Meselemia, no mpiandry ny varavaran’ny tranolay fihaonana*.

²²Ny isan’ireo voafidy ho mpiandry varavarana ireo dia roa amby folo sy roanjato. Ireo dia voasoratra araka ny firazanany tany amin’ny vohiny avy; notendren’i Davida sy i Samoela mpahita izy noho ny fahatokiany.

²³Ireo sy ny taranany no niandry varavarana tao amin’ny tranon’NY TOMPO, dia ny tranolay.

²⁴Teo amin’ny lafiny efatra no nitoeran’ny mpiandry varavarana, dia teo atsinanana sy andrefana sy avaratra ary atsimo.

²⁵Ny rahalahiny izay nonina teo amin’ny vohiny dia nasaina ho avy isan-kafitoana ho eo aminy.

²⁶Fa niasa tamin’ny fahatokiany ireo levita efa-dahy, lehiben’ny mpiandry varavarana, ireo; ary tonian’ireo efitrano sy ny efitrano fitahirizana ao amin’ny tranon’Andriamanitra koa izy ireo.

²⁷Ary eo amin’ny manodidina ny tranon’Andriamanitra no nandriany; fa izy ireo no mpiambina azy sady adidiny ny famohana ny trano isa-maraina.

²⁸Nitandrina ny fanaka momba ny fanompoana ny sasany aminy ka nanisa azy ireny isaky ny mitondra azy miditra sy mivoaka.

²⁹Ny sasany aminy indray dia notendrena hitandrina ny fanaka, dia ny fanaka masina rehetra, ny koba tsara toto, ny divay, ny diloilo, ny ditin-kazo manitra ary ny zavamanitra.

³⁰Ny sasany tamin’ny zanaky ny mpisorona no nanao haro manitra ho fanosorana.

³¹Ary i Matatia, iray tamin’ny levita, lahimatoan’i Saloma koraìta, no tonia maharitra amin’ny fanendasana ny mofo atao fanatitra.

³²Ny sasany tamin’ny rahalahiny, tamin’ny taranaky ny Kehatita, no tonian’ny mofo atao fanatitra ka mamboatra azy isan-tSabata.

³³Ireo ihany koa no mpihira, ireo lohan’ny fianakaviana amin’ny levita ireo. Mitoetra any amin’ny efitrano ao amin’ny tempoly izy ireo ary tsy misahana raharaha hafa; fa tsy maintsy ho amin’izany raharaha izany andro aman’alina.

³⁴Ireo dia lohan’ny fianakaviana tamin’ny levita araka ny firazanany avy, dia samy loholona. Ireo no nonina tany Jerosalema.

³⁵Tao Gibeona no nonenan’i Jeiela, rain’i Gibeona, ary ny anaran’ny vadiny dia Maka.

³⁶Ny zanany lahimatoa dia i Abdona, nanaraka azy i Zora, i Kisy, i Baala, i Nera, i Nadaba,

³⁷i Gedora, i Ahio, i Zakaria ary i Miklota.

³⁸I Miklota no niteraka an’i Simeama. Ireo koa dia niara-nonina tamin’ny rahalahiny tany Jerosalema nifanandrify fonenana taminy.

³⁹I Nera no niteraka an’i Kisy; i Kisy no niteraka an’i Saoly; i Saoly no niteraka an’i Jonatana, i Malky-Soa, i Abinadaba ary i Esbala.

⁴⁰Ny zanakalahin’i Jonatana dia i Meribaala; i Meribaala no niteraka an’i Mika.

⁴¹Ny zanakalahin’i Mika dia i Pitona, i Meleka, i Tarea ary i Ahaza.

⁴²I Ahaza no niteraka an’i Jara; i Jara no niteraka an’i Alemeta sy i Azmaveta ary i Zimry; i Zimry no niteraka an’i Moza;

⁴³i Moza no niteraka an’i Binea. I Refaia no zanakalahin’i Binea; i Elasa no zanakalahin’i Refaia, i Azela no zanakalahin’i Elasa.

⁴⁴Nanana zanaka enina mirahalahy i Azela ka izao avy no anarany: I Azrikama, i Bokero, Ismaela, i Searia, i Obadia ary i Hanana; ireo no zanakalahin’i Azela.