Read La Bible en Malgache Ezra 10 Bible Online

Ezra 10 - La Bible en Malgache bible

Ezra 10

¹Raha mbola nivavaka sy nifona i Ezra sady nitomany sy niankohoka teo anoloan’ny tranon’Andriamanitra dia nivory teo aminy ny olona marobe avy tamin’ny Israely, na lehilahy na vehivavy mbamin’ny ankizy madinika; fa nitomany mafy dia mafy koa ny olona.

²Dia hoy i Sekania, zanak’i Jehiela, isan’ny taranak’i Elama, tamin’i Ezra hoe: Efa nanao izay mahadiso teo anatrehan’Andriamanitsika izahay satria naka vehivavy hafa firenena avy tamin’ny tompon-tany ho vadinay; nefa mbola misy fanantenana ihany ho an’ny Israely ny amin’izany zavatra izany.

³Koa aoka izahay hanao fanekena amin’Andriamanitsika ka hisaotra ny vady rehetra sy hanary izay naterany araka ny anatra nataonao, tompokolahy, sy araka ny anatra nataon’ireo izay mangovitra noho ny didin’Andriamanitsika; ary aoka hatao araka ny lalàna izany.

⁴Mitsangàna fa adidinao izany; ary indreto koa izahay eto aminao; dia matokia tsara ka ataovy izany.

⁵Dia nitsangana i Ezra ka nampianiana ny lehiben’ny mpisorona sy ny levita* ary ny Israely rehetra fa hanatanteraka izany teny izany; dia nianiana ireo.

⁶Dia nitsangana niala teo anoloan’ny tranon’Andriamanitra i Ezra ka nankany amin’ny efitrano nitoeran’i Johanana, zanak’i Eliasiba; nony tafiditra tao izy dia tsy mba nihinan-kanina na nisotro rano, fa nalahelo izy noho ny fahadisoan’ny olona izay efa niverina avy tamin’ny fahababoana.

⁷Dia nandefa teny manerana an’i Joda sy Jerosalema ireo ho any amin’ny olona rehetra izay efa niverina avy tamin’ny fahababoana mba hivory any Jerosalema;

⁸ary na iza na iza no tsy tonga ao anatin’ny hateloana araka ny tenin’ny mpanapaka sy ny loholona dia hatao ho zavatra voaozona ny fananany rehetra ary hesorina amin’ny fiangonan’ny olona izay efa niverina avy tamin’ny fahababoana izy.

⁹Nony tamin’ny andro fahatelo dia vory tany Jerosalema ny lehilahy rehetra tamin’ny Joda sy ny Benjamina, dia tamin’ny andro faharoapolo tamin’ny volana fahasivy; nipetraka teo amin’ny toerana malalaka akaikin’ny tranon’Andriamanitra ny olona rehetra ka nangovitra noho izany zavatra izany sy noho ny ranonorana be.

¹⁰Dia nitsangana i Ezra mpisorona ka niteny taminy hoe: Ianareo dia efa nanao izay mahadiso satria naka vehivavy hafa firenena ho vadinareo ka nampitombo ny fahadisoan’ny Israely.

¹¹Koa mitsora amin’NY TOMPO Andriamanitry ny razanareo ka ataovy ny sitrapony; ary misaraha amin’ny olona tompon-tany sy ny vehivavy hafa firenena.

¹²Dia namaly ny fiangonana manontolo ka niredona mafy hoe: Izay lazainao dia tsy maintsy hataonay.

¹³Nefa maro ny olona, ary fahavaratra ny andro, ka tsy mahatoetra etỳ alatrano izahay, sady raharaha tsy vita indray andro na indroa andro aza izao, fa maro izahay no efa nanota tamin’izany zavatra izany;

¹⁴koa aoka ny mpanapaka anay no hitoetra eto ho solon’ny fiangonana rehetra ary ny olona rehetra any amin’ny tanànantsika avy izay naka vehivavy hafa firenena ho vadiny no aoka hankaty amin’izay fotoanandro hatao, ary hiaraka aminy koa ny loholony isan-tanàna sy ny mpitsara ao, mandra-pahavitan’izany raharaha izany sy ny hialan’ny firehetan’ny fahatezeran’Andriamanitsika amintsika.

¹⁵I Jonatana zanak’i Asahela sy i Jahaza, zanak’i Tikva ihany no nanohitra izany; niandany taminy koa i Mesolama sy i Sabetahy levita.

¹⁶Fa ny olona izay niverina avy tamin’ny fahababoana kosa dia nanaraka izany; ary natokana i Ezra mpisorona sy ny sasany amin’ny lohan’ny fianakaviana, araka ny fianakaviany avy, sady samy efa notononina anarana; dia nipetraka handinika izany raharaha izany izy ireo tamin’ny andro voalohany tamin’ny volana fahafolo.

¹⁷Nony tonga ny andro voalohany tamin’ny volana voalohany dia vitany ny raharaha ny amin’ny lehilahy rehetra izay efa naka vehivavy hafa firenena ho vadiny.

¹⁸Ny hita teo amin’ny taranaky ny mpisorona fa naka vehivavy hafa firenena ho vadiny dia ireto: Ny teo amin’ny taranak’i Josoa, zanak’i Jozadaka, sy ny rahalahiny dia i Mahaseia, i Eliezera, i Jariba ary i Gedalia;

¹⁹dia nanolo-tanana nanaiky hisaotra ny vadiny izy ireo sady handoa ondrilahy iray avy ho fanati-panonerany.

²⁰Ny avy tamin’ny taranak’Imera dia i Hanany sy i Zebedia;

²¹ny avy tamin’ny taranak’i Harima dia i Mahaseia, i Elia, i Semaia, i Jehiela ary i Ozia;

²²ny avy tamin’ny taranak’i Pasora dia i Elioenay, i Mahaseia, Ismaela, i Netanela, i Jozabada ary i Elasa.

²³Ny avy tamin’ny levita* dia i Jozabada, i Simey, i Kelaia na i Kelita izany mbamin’i Petahia sy i Joda ary i Eliezera.

²⁴Ny avy tamin’ny mpihira dia i Eliasiba; ary ny avy tamin’ny mpiandry varavarana dia i Saloma sy i Talema ary i Ory.

²⁵Ny avy tamin’ny Israely kosa dia ireto avy: Ny avy tamin’ny taranak’i Parosy dia i Ramia, i Jizia, i Malkia, i Miamina, i Eleazara, i Malkia ary i Benaia;

²⁶ary ny avy tamin’ny taranak’i Elema dia i Matania, i Zakaria, i Jehiela, i Abdia, i Jeremota ary i Elia;

²⁷ny avy tamin’ny taranak’i Zato dia i Elioenay, i Eliasiba, i Matania, i Jeremota, i Zabada ary i Aziza;

²⁸ny avy tamin’ny taranak’i Bebay dia i Johanana, i Hanania, i Zabay ary i Atlay;

²⁹ny avy tamin’ny taranak’i Bany dia i Mesolama, i Maloka, i Adaia, i Jasoba, i Seala ary i Ramota;

³⁰ny avy tamin’ny taranak’i Pahata-Moaba dia i Adna, i Kelala, i Benaia, i Mahaseia, i Matania, i Bezalila, i Binoy ary i Manase;

³¹ny avy tamin’ny taranak’i Harima dia i Eliezera, i Jisia, i Malkia, i Semaia, i Simeona,

³²i Benjamina, i Maloka ary i Semaria;

³³ny avy tamin’ny taranak’i Hasoma dia i Matenay, i Matata, i Zabada, i Elifeleta, i Jeremay, i Manase ary i Simey;

³⁴ny avy tamin’ny taranak’i Bany dia i Maday, i Amrama, i Oela,

³⁵i Benaia, i Bedeia, i Keloho,

³⁶i Vania, i Meremota, i Eliasiba,

³⁷i Matania, i Matenay, i Jasao,

³⁸i Bany, i Binoy, i Simey,

³⁹i Selemia, i Natana, i Adaia,

⁴⁰i Maknadebay, i Sasay, i Saray,

⁴¹i Azarela, i Selemia, i Semaria,

⁴²i Saloma, i Amaria ary i Josefa;

⁴³ary ny avy tamin’ny taranak’i Nebo dia i Jeiela, i Matitia, i Zabada, i Zebina, i Jadao, i Joela ary i Benaia.

⁴⁴Ireny rehetra ireny no samy efa naka vehivavy hafa firenena ho vadiny avokoa sady efa niteraka ny vehivavy sasany tamin’ireny.