Read La Bible en Malgache Ezra 2 Bible Online

Ezra 2 - La Bible en Malgache bible

Ezra 2

¹Ireto ireo avy any amin’ny fari-piadidiana niakatra avy tamin’ny fahababoana; nobaboin’i Nebokadnezara, mpanjakan’i Babilona ka noentiny ho any Babilona, ary niverina ho any Jerosalema sy Joda, samy ho any an-tanànany avy:

²Izy ireo dia niaraka tamin’i Zerobabela, i Josoa, i Nehemia, i Seraia, i Relaia, i Mordekay, i Bilsana, i Mispara, i Bigvay, i Rehoma ary i Bana. Ny isan’ny lehilahy tamin’ny Israely dia izao:

³Ny taranak’i Parosy: Roa amby fitopolo amby zato sy roa arivo;

⁴ny taranak’i Sefatia: Roa amby fitopolo sy telonjato;

⁵ny taranak’i Ara: Dimy amby fitopolo sy fitonjato;

⁶ny taranak’i Pahata-Moaba, avy tamin’ny zanak’i Josoa sy i Joaba: Roa amby folo sy valonjato sy roa arivo;

⁷ny taranak’i Eliama: Efatra amby dimampolo sy roanjato sy arivo;

⁸ny taranak’i Zato: Dimy amby efapolo sy sivinjato;

⁹ny taranak’i Zakay: Enimpolo sy fitonjato;

¹⁰ny taranak’i Bany: Roa amby efapolo sy eninjato;

¹¹ny taranak’i Bebay: Telo amby roapolo sy eninjato;

¹²ny taranak’i Azgada: Roa amby roapolo sy roanjato sy arivo;

¹³ny taranak’i Adonikama: Enina amby enimpolo sy eninjato;

¹⁴ny taranak’i Bigvay: Enina amby dimampolo sy roa arivo;

¹⁵ny taranak’i Adina: Efatra amby dimampolo sy efajato;

¹⁶ny taranak’i Atera avy tamin’i Hezekia: Valo amby sivifolo;

¹⁷ny taranak’i Bezay: Telo amby roapolo sy telonjato;

¹⁸ny taranak’i Jora: Roa amby folo amby zato;

¹⁹ny taranak’i Hasoma: Telo amby roapolo sy roanjato;

²⁰ny taranak’i Gibara: Dimy amby sivifolo;

²¹ny taranak’i Betlehema: Telo amby roapolo amby zato;

²²ny mponina tany Netofa: Enina amby dimampolo;

²³ny mponina tany Anatota: Valo amby roapolo amby zato;

²⁴ny taranak’i Azmaveta: Roa amby efapolo;

²⁵ny taranak’i Kiriata-Arima sy i Kefira ary i Berota: Telo amby efapolo sy fitonjato;

²⁶ny taranak’i Rama sy i Gaba: Iraika amby roapolo sy eninjato;

²⁷ny mponina tany Mikmasy: Roa amby roapolo amby zato;

²⁸ny mponina tany Betela sy Ay: Telo amby roapolo sy roanjato;

²⁹ny taranak’i Nebo: Roa amby dimampolo;

³⁰ny taranak’i Magbisy: Enina amby dimampolo amby zato;

³¹ny taranak’ilay Elama iray: Efatra amby dimampolo sy roanjato sy arivo;

³²ny taranak’i Harima: Roapolo sy telonjato;

³³ny taranak’i Loda sy i Hadida ary i Ono: Dimy amby roapolo sy fitonjato;

³⁴ny taranak’i Jeriko: Dimy amby efapolo sy telonjato;

³⁵ny taranak’i Sena: Telopolo sy eninjato sy telo arivo.

³⁶Ny mpisorona dia izao: Ny taranak’i Jedaia avy tamin’ny ankohonan’i Josoa dia telo amby fitopolo sy sivinjato;

³⁷ny taranak’Imera: Roa amby dimampolo sy arivo;

³⁸ny taranak’i Pasora: Fito amby efapolo sy roanjato sy arivo;

³⁹ny taranak’i Harima: Fito amby folo sy arivo.

⁴⁰Izao ny levita*: Ny taranak’i Josoa sy i Kadmiela, avy tamin’ny taranak’i Hodavia, efatra amby fitopolo.

⁴¹Ny mpihira dia izao: Ny taranak’i Asafa, nisy valo amby roapolo amby zato.

⁴²Ny taranaky ny mpiandry varavarana dia izao: Ny taranak’i Saloma, ny taranak’i Atera, ny taranak’i Talmona, ny taranak’i Akoba, ny taranak’i Hatita, ny taranak’i Sobay, izay sivy amby telopolo amby zato izy rehetra.

⁴³Ny Netinima* dia izao: Ny taranak’i Ziha, ny taranak’i Hasofa, ny taranak’i Tabaota,

⁴⁴ny taranak’i Kerosa, ny taranak’i Siaha, ny taranak’i Padona,

⁴⁵ny taranak’i Lebana, ny taranak’i Hagabaha, ny taranak’i Akoba,

⁴⁶ny taranak’i Hagaba, ny taranak’i Salmay, ny taranak’i Hanana,

⁴⁷ny taranak’i Gidela, ny taranak’i Gahara, ny taranak’i Reaia,

⁴⁸ny taranak’i Rezina, ny taranak’i Nekoda, ny taranak’i Gazama,

⁴⁹ny taranak’i Oza, ny taranak’i Pasea, ny taranak’i Besay,

⁵⁰ny taranak’i Asna, ny taranaky ny Meonita, ny taranaky ny Nefisita,

⁵¹ny taranak’i Bakiboka, ny taranak’i Hakofa, ny taranak’i Harora,

⁵²ny taranak’i Bazilota, ny taranak’i Mehida, ny taranak’i Harsa,

⁵³ny taranak’i Barkosa, ny taranak’i Sisera, ny taranak’i Tema,

⁵⁴ny taranak’i Nezia, ny taranak’i Hatifa.

⁵⁵Ny taranaky ny mpanompon’i Solomona dia ireto: Ny taranak’i Sotahy, ny taranak’i Sofereta, ny taranak’i Peroda,

⁵⁶ny taranak’i Jala, ny taranak’i Darkona, ny taranak’i Gidela,

⁵⁷ny taranak’i Sefatia, ny taranak’i Hatila, ny taranak’i Pokereta-Hazebaima, ny taranak’i Amỳ.

⁵⁸Ny Netinima rehetra sy ny taranaky ny mpanompon’i Solomona dia roa amby sivifolo sy telonjato.

⁵⁹Ireto kosa no niakatra avy tany Tela-Mela, Tela-Harsa, Keroba-Adana ary Imera; fa tsy nahalaza ny fianakaviany sy ny firazanany izy, na avy tamin’ny Israely na tsia.

⁶⁰Ny taranak’i Delaia, ny taranak’i Tobia, ny taranak’i Nekoda: Nisy roa amby dimampolo sy eninjato.

⁶¹Ny avy tamin’ny taranaky ny mpisorona dia izao: Ny taranak’i Habaia, ny taranak’i Hakoza, ny taranak’i Barizilay; nampaka-bady avy tamin’ny zanakavavin’i Barizilay gileadita izy io ka notononina araka ny anarany.

⁶²Nitady ny soratra filazana ny razany ireo nefa tsy hita izany; dia natao ho tsy madio izy ka nesorina tamin’ny fisoronana.

⁶³Ary nilaza taminy ny governora fa tsy mahazo mihinana ny zavatra masina indrindra izy mandra-pitsangan’izay mpisorona iray hitondra ny Orima sy Tomima*.

⁶⁴Ny tontalin’ny olona rehetra dia enimpolo sy telonjato sy roa arivo sy efatra alina,

⁶⁵afa-tsy ny mpanompolahiny sy ny mpanompovaviny fito amby telopolo sy telonjato sy fito arivo; nisy mpihira lahy sy vavy roanjato teo aminy;

⁶⁶ny soavaliny dia enina amby telopolo sy fitonjato; ny ampondrany dia dimy amby efapolo sy roanjato;

⁶⁷ny ramevany dia dimy amby telopolo sy efajato; ary ny borikiny dia roapolo sy fitonjato sy enina arivo.

⁶⁸Ny sasany tamin’ny lohan’ny fianakaviana, rehefa tonga tao amin’ny tranon’NY TOMPO tany Jerosalema, dia nanolotra fanatitra an-tsitrapo hananganana ny tranon’Andriamanitra eo amin’ilay efa niorenany.

⁶⁹Nanome araka izay nananany avy izy ireo mba hanampy ireo kojakoja ho amin’ny asa, dia drakma* volamena arivo sy enina alina ary volafotsy dimy arivo mane* ary fanamiana mpisorona zato.

⁷⁰Samy tafapetraka teny an-tanànany avy ny mpisorona sy ny levita sy ny sasany tamin’ny vahoaka, ny mpihira, ny mpiandry varavarana ary ny Netinima mbamin’ny Israely rehetra koa izay samy tao an-tanànany avy.