Read La Bible en Malgache Nehemia 11 Bible Online

Nehemia 11 - La Bible en Malgache bible

Nehemia 11

¹Nonina tany Jerosalema ny mpanapaka ny olona; ary ny olona sisa dia nanao antsapaka hahatonga ny ampahafolony honina any Jerosalema, tanàna masina, fa ny sivy toko kosa dia any amin’ny tanàna hafa ihany.

²Ary nisaoran’ny olona ny lehilahy rehetra izay nanolo-tena honina any Jerosalema.

³Izao no mpitondra ny fari-piadidiana izay nonina tany Jerosalema; fa ny tao an-tanànan’ny Joda dia samy nonina tao amin’ny taniny avy, tao an-tanànany, dia ny Israely, ny mpisorona, ny levita*, ny Netinima* ary ny taranaky ny mpanompon’i Solomona.

⁴Tany Jerosalema no nonenan’ny sasany tamin’ny taranak’i Joda sy ny taranak’i Benjamina. Ny avy tamin’ny taranak’i Joda dia i Ataia, zanak’i Ozia, zanak’i Zakaria, zanak’i Amaria, zanak’i Sefatia, zanak’i Mahalalila, avy tamin’ny taranak’i Fareza;

⁵i Mahaseia, zanak’i Baroka, zanak’i Kola-Hoze, zanak’i Hazaia, zanak’i Adaia, zanak’i Joariba, zanak’i Zakaria, zanak’ilay Silonita.

⁶Ny taranak’i Fareza rehetra izay nonina tany Jerosalema dia lehilahy mahery valo amby enimpolo sy efajato.

⁷Izao no taranak’i Benjamina: I Salo, zanak’i Mesolama, zanak’i Joeda, zanak’i Pedaia, zanak’i Kolaia, zanak’i Mahaseia, zanak’Itiela, zanak’i Jesaia;

⁸nanarakaraka azy i Gabay sy i Salay; valo amby roapolo sy sivinjato.

⁹I Joela, zanak’i Zikry, no mpifehy azy; ary i Joda, zanak’i Senoa, no lefiny teo amin’ny tanàna.

¹⁰Ny avy tamin’ny mpisorona dia i Jedaia, zanak’i Joariba, mbamin’i Jakina.

¹¹I Seraia, zanak’i Hilkia, zanak’i Mesolama, zanak’i Zadoka, zanak’i Meraiota, zanak’i Ahitoba, no mpanapaka ny tranon’Andriamanitra,

¹²Ny rahalahin’ireo izay mpanao ny raharaha tao an-trano dia roa amby roapolo sy valonjato. I Adaia, zanak’i Jerohama, zanak’i Pelalia, zanak’i Amzy, zanak’i Zakaria, zanak’i Pasora, zanak’i Malkia,

¹³mbamin’ny rahalahiny, izay samy lohan’ny fianakaviana, dia roa amby efapolo sy roanjato; i Amasay, zanak’i Azarela, zanak’i Ahazay, zanak’i Mesilemota, zanak’Imera

¹⁴mbamin’ny rahalahin’ireo, dia lehilahy mahery valo amby roapolo amby zato; i Zabdiela, zanak’i Hagedolima, no mpifehy azy.

¹⁵Ny avy tamin’ny levita dia i Semaia, zanak’i Hasoba, zanak’i Azrikama, zanak’i Hasabia, zanak’i Bony;

¹⁶ary i Sabetahy sy i Jozabada, avy tamin’ny lehiben’ny levita, no tonian’ny raharaha teo ivelan’ny tranon’Andriamanitra.

¹⁷I Matania, zanak’i Mika, zanak’i Zabdy, zanak’i Asafa, no mpiventy hira, rehefa natao ny vavaka fisaorana; ary i Bakbokia no nanarakaraka teo amin’ny rahalahiny, izay vao i Abda, zanak’i Samoa, zanak’i Galala, zanak’i Jedotona.

¹⁸Ny levita rehetra tao an-tanàna masina dia efatra amby valopolo sy roanjato.

¹⁹Ny mpiandry varavarana dia i Akoba sy i Talmona mbamin’ny rahalahiny izay niambina ny vavahady, roa amby fitopolo amby zato.

²⁰Ny sisa tamin’ny Israely sy ny mpisorona ary ny levita kosa dia teny an-tanàna rehetra any Joda, samy tao amin’ny zarataniny avy ihany.

²¹Ny Netinima kosa dia nonina tany Ofela; ary i Ziha sy i Gispa no lehibeny.

²²Ny mpifehy ny levita tany Jerosalema amin’ny raharaha momba ny tranon’Andriamanitra dia i Ozy, zanak’i Bany, zanak’i Hasabia, zanak’i Matania, zanak’i Mika, isan’ny mpihira, taranak’i Asafa.

²³Fa ny didin’ny mpanjaka ny amin’ireo mpihira ireo dia ny hahazoany izay anjara tokony ho azy isanandro.

²⁴Ary i Petahia, zanak’i Mesezabela, isan’ny taranak’i Zera, zanak’i Joda, dia teo anilan’ny mpanjaka mba hitandrina ny raharaha rehetra ny amin’ny olona.

²⁵Ny amin’ny vohitra eny an-tsaha, dia ny sasany tamin’ny taranak’i Joda, no nonina tany Kiriata-Arba sy ny vohitra miankina aminy, tany Dibona sy ny vohitra miankina aminy, tany Jekabzela sy ny vohitra miankina aminy,

²⁶tany Josoa, Molada, Bety-Paleta,

²⁷Hazara-Soala ary Bery-Sheba sy ny vohitra miankina aminy,

²⁸tany Ziklaga sy Mekona ary ny vohitra miankina aminy,

²⁹tany Eny-Rimona, Zora, Jarmota,

³⁰Zanoa, Adolama ary ny vohitra miankina aminy, tany Lakisy sy ny sahany, ary tany Azeka sy ny vohitra miankina aminy. Nonina hatrany Bery-Sheba ka hatrany amin’ny lohasahan’i Hinoma izy.

³¹Ny taranak’i Benjamina kosa no hatrany Geba ka hatrany Mikmasy, Aia, Betela ary ny vohitra miankina aminy,

³²tany Anatota, Noba, Anania,

³³Hazora, Rama, Gitaima,

³⁴Hadida, Zeboima, Nebalata,

³⁵Loda, Ono, lohasahan’ny mpahay taozavatra.

³⁶Nisy levita*, izay isan’ny antokon’ny Joda tao amin’ny Benjamina.