Read La Bible en Malgache Nehemia 12 Bible Online

Nehemia 12 - La Bible en Malgache bible

Nehemia 12

¹Ny mpisorona sy ny levita* izay niara-niakatra tamin’i Zerobabela, zanak’i Sealtiela, sy i Josoa dia i Seraia, i Jeremia, i Ezra,

²i Amaria, i Maloka, i Hatosy,

³i Sekania, i Rehoma, i Meremota,

⁴Ido, i Ginetoy, i Abia,

⁵i Miamina, i Madia, i Bilga,

⁶i Semaia, i Joiariba, i Jedaia,

⁷i Salo, i Amoka, i Hilkia ary i Jedaia. Ireo no lehiben’ny mpisorona sy ny rahalahiny tamin’ny andron’i Josoa.

⁸Ny levita kosa dia izao: I Josoa, i Binoy, i Kadmiela, i Serebia, i Joda ary i Matania; izy ireo sy ny rahalahiny no tonian’ny fiderana.

⁹I Bakibokia sy i Ono rahalahin’ireo dia nanandrify azy ireo araka ny anjara raharahany.

¹⁰I Josoa dia niteraka an’i Joiakima; ary i Joiakima dia niteraka an’i Eliasiba; i Eliasiba dia niteraka an’i Joiada;

¹¹i Joiada dia niteraka an’i Jonatana; ary i Jonatana dia niteraka an’i Jadoa.

¹²Tamin’ny andron’i Joiakima dia nisy mpisorona, lohan’ny fianakaviana, koa ireto avy izy ireo: Ny avy tamin’i Seraia dia i Meraia; ny avy tamin’i Jeremia dia i Hanania;

¹³ny avy tamin’i Ezra dia i Mesolama; ny avy tamin’i Amaria dia i Johanana;

¹⁴ny avy tamin’i Meliko dia i Jonatana; ny avy tamin’i Sebania dia i Josefa;

¹⁵ny avy tamin’i Harima dia i Adna; ny avy tamin’i Meraiota dia i Helkay;

¹⁶ny avy tamin’Ido dia i Zakaria; ny avy tamin’i Ginetona dia i Mesolama;

¹⁷ny avy tamin’i Abia dia i Zikry; ny avy tamin’i Miniamina; ny avy tamin’i Moadia, dia i Piltahy;

¹⁸ny avy tamin’i Bilga dia i Samoa; ny avy tamin’i Semaia dia i Jonatana;

¹⁹ny avy tamin’i Joariba dia i Matenay; ny avy tamin’i Jedaia dia i Ozy;

²⁰ny avy tamin’i Salay dia i Kalay; ny avy tamin’i Amoka dia i Ebera;

²¹ny avy tamin’i Hilkia dia i Hasabia; ary ny avy tamin’i Jedaia dia i Netanela.

²²Tamin’ny andron’i Eliasiba, i Joiada, i Johanana ary i Jadoa dia voasoratra ho lohan’ny fianakaviany ny levita; ary toy izany koa ny mpisorona, hatramin’ny nanjakan’i Dariosy persiana.

²³Ny taranak’i Levy, lohan’ny fianakaviana, dia voasoratra ao amin’ny bokin’ny tantara hatramin’ny andron’i Johanana, zanak’i Eliasiba.

²⁴Ary ny lehiben’ny levita dia i Hasabia sy i Serebia ary i Josoa zanak’i Kadmiela, mbamin’ny rahalahin’ireo izay nifanandrify taminy, mba hidera sy hisaotra isan-tokony; araka ny didin’i Davida, lehilahin’Andriamanitra.

²⁵I Matania, i Bakbokia, i Obadia, i Mesolama, i Talmona sy i Akoba no mpiandry varavarana ka nitandrina ny fiambenana teo amin’ny trano fitahirizan-drakitra.

²⁶Ireo no tamin’ny andron’i Joiakima, zanak’i Josoa, zanak’i Jozadaka, sy tamin’ny andron’i Nehemia governora sy i Ezra mpisorona sady mpanoradalàna.

²⁷Rehefa hotokanana ny mandan’i Jerosalema dia notadiavina avy tamin’ny fonenany rehetra ny levita* mba hoentina any Jerosalema hanao ny fitokanana amin’ny fifaliana sy ny fiderana ary ny hira mbamin’ny kipantsona sy ny valiha ary ny lokanga.

²⁸Dia niangona ny mpihira avy tamin’ny tany lemaka manodidina an’i Jerosalema sy ny avy tamin’ny vohitry ny Netofatita

²⁹ary i Bety-Gilgala sy ny sahan’i Geba ary Azmaveta; fa efa nanao vohitra ho azy manodidina an’i Jerosalema ny mpihira.

³⁰Ary samy nanadio ny tenany ny mpisorona sy ny levita, nodioviny koa ny olona sy ny vavahady ary ny manda.

³¹Dia nasaiko niakatra eo ambonin’ny manda ny mpanapaka ny Joda ary nanendry antoko mpihira roa tonta aho handeha milahatra tsara. Ny iray dia nandeha tamin’ny ankavanana teo ambonin’ny manda ho amin’ny vavahadin-jezika;

³²nandeha taorianan’izy ireo i Hosaia sy ny antsasaky ny olo-manankaja amin’i Joda,

³³dia i Azaria, i Ezra, i Mesolama

³⁴i Joda, i Benjamina, i Semaia ary i Jeremia,

³⁵nitondra trompetra ny sasany tamin’ny taranaky ny mpisorona, dia i Zakaria, zanak’i Jonatana, zanak’i Semaia, zanak’i Matania, zanak’i Mikaia, zanak’i Zakora, zanak’i Asafa,

³⁶mbamin’ny rahalahiny, dia i Semaia, i Azarela, i Milalay, i Gilalay, i May, i Netanela, i Joda ary i Hanany, nitondra ny zavamanenon’i Davida, lehilahin’Andriamanitra; ary nandeha teo alohan’ireo i Ezra mpanoradalàna.

³⁷Nizotra hatreo amin’ny vavahadin-doharano izy ka niakatra tamin’ny tohatra nihazo ny Tanànan’i Davida, teo amin’ny fiakarana amin’ny manda eo ambonin’ny tranon’i Davida ka hatreo amin’ny vavahadin-drano eo atsinanana.

³⁸Ny antoko mpihira andiany faharoa kosa dia nandeha nifanandrify taminy sady narahiko niaraka tamin’ny antsasaky ny olona teo ambonin’ny manda hatreo ambonin’ny tilikambo fiambenana misy ny fatana fandoroana ka hatreo amin’ny manda lehibe,

³⁹ary hatreo ambonin’ny vavahadin’i Efraima sy teo ambonin’ny vavahady taloha ary teo ambonin’ny vavahadin-kazandrano sy ny tilikambo fiambenana Hananela sy ny tilikambo fiambenana Hamea, dia hatramin’ny vavahadin’ondry; ary nijanona teo amin’ny vavahadin’ny trano fiambenana izy.

⁴⁰Dia nijanona tao amin’ny tranon’Andriamanitra izy roa tonta; tao koa aho sy ny antsasaky ny mpanapaka izay niaraka tamiko;

⁴¹ary nitondra trompetra ny mpisorona, dia i Eliakima, i Mahaseia, i Miniamina, i Mikaia, i Elioenay, i Zakaria ary i Hanania,

⁴²mbamin’i Mahaseia, i Semaia, i Eleazara, i Ozy, i Johanana, i Malkia, i Elama ary i Ezera. Nihira mafy ny mpihira sy i Jizrahia, mpitarika azy.

⁴³Dia namono zavatra betsaka hatao fanatitra izy tamin’izany andro izany sady nifaly, fa Andriamanitra nampifaly azy indrindra; ary ny vadiny aman-janany dia nifaly koa ka re hatrany lavitra ny fifaliana tany Jerosalema.

⁴⁴Tamin’izany koa dia nisy olona notendrena hitandrina ny efitrano fitahirizana ny fanatitra sy ny voaloham-bokatra ary ny fahafolonkarena, fa ao no angonina izay anjara voadidy ho an’ny mpisorona sy ny levita* avy amin’ny saha manodidina ny isan-tanàna; koa nifalian’ny Joda ireo mpisorona sy levita izay nanompo ireo.

⁴⁵Dia nitandrina izay nasaina hotandremany ny amin’Andriamaniny sy ny amin’ny fanadiovana izy; ary toy izany koa ny mpihira sy ny mpiandry varavarana, araka ny didin’i Davida sy i Solomona zanany.

⁴⁶Fa fahiny tamin’ny andron’i Davida sy i Asafa aza dia efa nisy lehiben’ny mpihira sy mpanao hira fiderana sy fisaorana an’Andriamanitra.

⁴⁷Ny Israely rehetra, tamin’ny andron’i Zerobabela sy i Nehemia, dia nanome koa ny anjaran’ny mpihira sy ny mpiandry varavarana, izany hoe ny anjarany isanandro; ary nanokana izay ho an’ny levita koa izy; ny levita kosa indray dia nanokana izay ho an’ny taranak’i Arona.