Read La Bible en Malgache Salamo 108 Bible Online

Salamo 108 - La Bible en Malgache bible

Salamo 108

¹Tononkira. Salamo nataon’i Davida. Andriamanitra ô, tafatoetra ny foko; hihira sy hankalaza Anao aho. Izany no voninahitro!

²Mifohaza, ry valiha sy lokanga; hofohaziko ny fahazavan’ny maraina.

³Hidera Anao eny amin’ny firenena maro aho, TOMPO ô, ary hankalaza Anao eny amin’ny Jentilisa*.

⁴Fa lehibe mihoatra ny lanitra ny famindramponao ary mipaka any amin’ny habakabaka ny fahamarinanao.

⁵Misandrata any ambonin’ny lanitra Ianao, Andriamanitra ô; ary aoka ho etỳ ambonin’ny tany rehetra ny voninahitrao.

⁶Mba hahafaka ny malalanao dia vonjeo amin’ny tananao ankavanana aho ka valio.

⁷Niteny tamin’ny fahamasinany Andriamanitra hoe: Handresy Aho ka hizara an’i Sekema ary horefesiko ny lohasahan’i Sokota;

⁸Ahy i Gileada, ahy i Manase; aron’ny lohako i Efraima; tehim-panjakako i Joda;

⁹fitoeran-drano fisasana ho Ahy i Moaba; eo amin’i Edoma no hanipazako ny kapako; noho ny amin’i Filistia no hihobiako.

¹⁰Iza no hitondra ahy ho any an-tanàna mafy? Iza no hitarika ahy ho any Edoma?

¹¹Tsy Ianao va no efa nanary anay, Andriamanitra ô, sady tsy niaraka tamin’ny miaramilanay Ianao, Andriamanitra ô?

¹²Vonjeo amin’ny fahavalo izahay, fa zava-poana ny famonjena ataon’ny olona.

¹³Andriamanitra no hahavitantsika asa mahery vaika, fa Izy no hanitsakitsaka ny fahavalontsika.