Read La Bible en Malgache Salamo 12 Bible Online

Salamo 12 - La Bible en Malgache bible

Salamo 12

¹Ho an’ny mpiventy hira. Al-hasheminit. Salamo nataon’i Davida. Vonjeo, TOMPO ô, fa efa lany ny matahotra an’Andriamanitra, tsy misy mahatoky intsony eo amin’ny zanak’olombelona.

²Samy milaza lainga amin’ny namany amin’ny molotra mandokadoka ny olona, ary fo mamorom-pitaka no itenenany.

³Holevonin’NY TOMPO anie ny molotra mandokadoka rehetra sy ny lela miteny avonavona

⁴izay miteny hoe: Ny lelanay no mampahery anay; miandany aminay ny molotray; iza no tomponay?

⁵Noho ny fampahoriana ny madinika sy ny fisentoan’ny mahantra dia hitsangana Aho ankehitriny, hoy NY TOMPO, hataoko mahita ny famonjena iriny ireny vingavingain’ny sasany ireny.

⁶Ny tenin’NY TOMPO dia teny madio toy ny volafotsy voarendrika tao anatin’ny memy amin’ny tany; eny, voadio impito.

⁷Ianao, TOMPO ô, no hiambina azy, Ianao no hitahiry anay tsy ho azon’ity taranaka ity hatramin’izao ka ho mandrakizay.

⁸Mivezivezy eny rehetra eny ny ratsy fanahy rehefa mitombo ny fahambanian-toetran’ny zanak’olombelona.