Read La Bible en Malgache Salamo 138 Bible Online

Salamo 138 - La Bible en Malgache bible

Salamo 138

¹Nataon’i Davida. Midera Anao amin’ny foko manontolo aho; eo anatrehan’ireo andriamanitra no ankalazako Anao amin’ny hira.

²Miankohoka manandrify ny tempolinao masina aho ka midera ny anaranao noho ny famindramponao sy ny fahamarinanao; fa efa nomenao voninahitra ho ambonin’ny zavatra rehetra ny anaranao sy ny teninao.

³Tamin’ny andro nitarainako dia namaly ahy Ianao; nomenao fahasahiana aho ka nahazo hery ny fanahiko.

⁴TOMPO ô, hidera Anao ny mpanjaka rehetra amin’ny tany fa handre ny tenin’ny vavanao izy.

⁵Eny, hihira ny amin’ny lalan’NY TOMPO izy, fa lehibe ny voninahitry NY TOMPO.

⁶Fa na dia avo aza NY TOMPO dia mijery ny manetry tena ary ny mpiavonavona dia fantany eny lavitra eny.

⁷Na dia handeha ao anatin’ny fahoriana aza aho dia hamelona ahy Ianao; hanatsotra ny tananao hanohitra ny fahatezeran’ny fahavaloko Ianao ary hamonjy ahy ny tananao ankavanana.

⁸NY TOMPO no hahatanteraka ny momba ahy rehetra; TOMPO ô, mandrakizay ny famindramponao. Aza mahafoy ny asan’ny tananao.