Read La Bible en Malgache Salamo 14 Bible Online

Salamo 14 - La Bible en Malgache bible

Salamo 14

¹Ho an’ny mpiventy hira. Salamo nataon’i Davida. Ny adala no manao anakampo hoe: Tsy misy Andriamanitra! Manao izay ratsy sy vetaveta izy; tsy misy manao ny tsara.

²Avy eny an-danitra NY TOMPO no miondrika mijery ny zanak’olombelona mba hizahany raha misy olon-kendry mitady an’Andriamanitra.

³Samy efa nivily lalana izy rehetra ka tonga nanao zava-betaveta avokoa; tsy misy manao ny tsara na dia iray akory aza.

⁴Tsy mahalala va ny mpanao ratsy rehetra? Mihinana ny oloko toy ny fihinana mofo izy no sady tsy miantso NY TOMPO.

⁵Indreo, tonga feno tahotra ireny, satria Andriamanitra no eo amin’ny taranaka marina.

⁶Na dia foananareo aza ny fisainan’ny ory, NY TOMPO kosa no fialofany.

⁷Enga anie ka hivoaka avy ao Ziona* ny famonjena ny Israely! Rehefa ampodin’NY TOMPO avy amin’ny fahababoana ny olony dia hiravoravo i Jakoba ary hifaly Israely.