Read La Bible en Malgache Salamo 149 Bible Online

Salamo 149 - La Bible en Malgache bible

Salamo 149

¹Haleloia*. Mihirà fihiram-baovao ho an’NY TOMPO; manaova hira fiderana Azy eo amin’ny fiangonan’ny olona masina.

²Aoka hifaly amin’ny Mpanao azy ny Israely; aoka hiravoravo amin’ny Mpanjakany ny zanak’i Ziona*.

³Aoka hidera ny anarany amin’ny dihy izy ary hankalaza Azy amin’ny ampongatapaka sy ny lokanga.

⁴Fa sitraky NY TOMPO ny olony, ravahany famonjena ny mpandefitra.

⁵Aoka hiravoravo amin’ny voninahitra ny olona masina; aoka hihoby tsara eo am-pandrianany izy.

⁶Aoka hisy fanandratana an’Andriamanitra eo am-bavany ary sabatra roa lela eny an-tanany,

⁷hamaliany ny Jentilisa* sy hamaizany ny firenena maro,

⁸hamatorany ireo mpanjakany amin’ny gadra, sy ny olo-malazany amin’ny gadra vy,

⁹mba hanaovany ny fitsarana voasoratra: voninahitry ny olony masina rehetra izany. Haleloia.