Read La Bible en Malgache Salamo 16 Bible Online

Salamo 16 - La Bible en Malgache bible

Salamo 16

¹Miktama nataon’i Davida. Arovy aho, Andriamanitra ô, fa mialoka Aminao.

²Hoy aho amin’NY TOMPO: Tompoko Ianao, tsy misy soa ananako azo oharina Aminao!

³Ho an’ny olona masina ambonin’ny tany sy ireo olona tsara laza ny fankasitrahako rehetra.

⁴Ho be ny fahorian’izay manova an’Andriamanitra hatakalony ny hafa, tsy mba handraraka ny ra aidiny ho fanatitra aho ary tsy mba hotononin’ny molotro ny anarany.

⁵NY TOMPO no anjara lovako sy kapoakako; Ianao no mampaharitra ny anjarako.

⁶Ny voafaritra ho anjarako dia eo amin’ny tany mahafinaritra; eny, lova tsara tarehy ho ahy izany.

⁷Hisaotra NY TOMPO izay manolotsaina ahy aho; na amin’ny alina aza dia mananatra ahy ny foko.

⁸Ataoko eo anatrehako mandrakariva NY TOMPO; rehefa eo ankavanako Izy dia tsy mangozohozo aho.

⁹Izany no ifalian’ny foko sy iravoravoan’ny fanahiko; eny, na ny nofoko aza dia mitoetra tsy manana ahiahy.

¹⁰Fa tsy ho foinao ho any amin’ny fitoeran’ny maty* ny aiko, tsy hamela ny matoky anao ho latsaka ao an-davaka Ianao,

¹¹hampahafantatra ahy ny lalan’ny fiainana Ianao. Eny, fahavokisam-pifaliana no eo anatrehanao ary fahafinaretana no ho eo amin’ny tananao ankavanana mandrakizay.