Read La Bible en Malgache Salamo 20 Bible Online

Salamo 20 - La Bible en Malgache bible

Salamo 20

¹Ho an’ny mpiventy hira. Salamo nataon’i Davida. Hihaino anao anie NY TOMPO amin’ny andro fahoriana, hitondra anao ho any amin’ny avo anie ny anaran’Andriamanitr’i Jakoba!

²Hahatonga famonjena ho anao avy amin’ny fitoerana masina anie Izy ary hanohana anao avy any Ziona*.

³Hahatsiaro ny fanatitra rehetra avy amin’ny zavamaniry ataonao anie Izy ary hankasitraka ny fanatitra dorana manontolo ataonao! Fiatoana

⁴Hanome anao araka izay irin’ny fonao anie Izy ary hahatanteraka ny fikasanao rehetra.

⁵Hihoby noho ny famonjena azonao izahay ary amin’ny anaran’Andriamanitray no hanangananay faneva; hotanterahin’NY TOMPO anie ny angatahinao rehetra.

⁶Ankehitriny dia fantatro fa NY TOMPO dia mamonjy ny Voahosony*; hamaly azy avy amin’ny lanitry ny fahamasinany Izy, amin’ny herin’ny famonjen’ny tanany ankavanana.

⁷Ny sasany dia mitoky amin’ny kalesy fitondra miady, ary ny sasany dia amin’ny soavaly; fa raha izahay kosa dia ny anaran’NY TOMPO Andriamanitray no hantsoinay.

⁸Ireo dia reraka sady lavo fa izahay kosa dia mitsangana sy mijoro.

⁹TOMPO ô, vonjeo ny mpanjaka! Hamaly anay anie izy amin’izay andro iantsoanay Azy!