Read La Bible en Malgache Salamo 21 Bible Online

Salamo 21 - La Bible en Malgache bible

Salamo 21

¹Ho an’ny mpiventy hira. Salamo nataon’i Davida. TOMPO ô, ny herinao no hifalian’ny mpanjaka. Endre ny haben’ny firavoravoany amin’ny famonjenao!

²Nomenao azy izay nirin’ny fony ary tsy mba nolavinao izay nangatahin’ny molony. Fiatoana

³Fa notsenainao tamin’ny fitahiana soa izy; nasianao satroboninahitra volamena tsy miharo teo an-dohany.

⁴Aina no nangatahiny Taminao dia nomenao azy izany, dia andro lava mandrakizay doria.

⁵Noho ny famonjenao dia lehibe ny voninahiny; laza sy voninahitra no nataonao taminy.

⁶Fa nataonao ho fitahiana mandrakizay izy ary ampifalinao indrindra amin’ny fanatrehanao.

⁷Fa matoky NY TOMPO ny mpanjaka ary noho ny famindrampon’ny Avo Indrindra dia tsy hangozohozo izy.

⁸Ho azon’ny tananao ny fahavalonao rehetra; eny, ho azon’ny tananao ankavanana izay mankahala anao.

⁹Hataonao tahaka ny fatana misy afo mirehitra izy amin’ny andro hisehoanao. NY TOMPO handany azy amin’ny fahatezerany ary handevona azy ny afo.

¹⁰Haringanao tsy ho eo amin’ny tany ny zanany ary tsy ho eo amin’ny zanak’olombelona ny taranany.

¹¹Fa nikasa hanisy ratsy anao izy sady namoron-kevi-dratsy nefa tsy hahefa

¹²fa hampiamboho azy ianao; ny tsipìkanao no ikendrenao ny tavany.

¹³Misandrata amin’ny herinao Ianao, TOMPO ô! Hihira sy hankalaza ny herinao amin’ny salamo izahay.