Read La Bible en Malgache Salamo 23 Bible Online

Salamo 23 - La Bible en Malgache bible

Salamo 23

¹Salamo nataon’i Davida. NY TOMPO no Mpiandry ahy: Tsy misy zava-mahory ahy.

²Mampandry ahy amin’ny ahi-maitso Izy, mitondra ahy ho eo amoron’ny rano fialan-tsasatra Izy.

³Mamelombelona ny fanahiko Izy; mitarika ahy amin’ny lalan’ny fahamarinana noho ny anarany Izy.

⁴Eny, na dia mandeha mamakivaky ny lohasaha aloky ny fahafatesana aza aho dia tsy hatahotra ny loza satria Ianao no miaraka amiko; ny tsorakazonao[1] sy ny tehinao[2], ireo no mahafa-tahotra ahy.

⁵Mamelatra latabatra eo anoloako eo imason’ny fahavaloko Ianao; manosotra diloilo ny lohako Ianao; ny kapoakako dia feno dia feno.

⁶Eny tokoa, fahasoavana sy famindrampo no hanaraka ahy amin’ny andro rehetra hiainako, dia hitoetra ao amin’ny tranon’NY TOMPO aho amin’ny androko rehetra.