Read La Bible en Malgache Salamo 26 Bible Online

Salamo 26 - La Bible en Malgache bible

Salamo 26

¹Nataon’i Davida. Tsarao aho, TOMPO ô, fa mandeha araka ny hitsim-poko; NY TOMPO no itokiako ka tsy mivembena aho.

²Diniho aho, TOMPO ô, ka fantaro, izahao toetra ny voako sy ny foko;

³fa ny famindramponao no eo anoloan’ny masoko; mandeha amin’ny fahamarinanao aho.

⁴Tsy mba miara-mipetraka amin’ny olon-dratsy aho na manan-draharaha amin’ny olom-petsy;

⁵halako ny fivorian’ny mpanao ratsy ary tsy miara-mipetraka amin’ny ratsy fanahy aho.

⁶Manasa ny tanako amin’ny tsy fananako tsiny aho ka hanodidina ny alitaranao

⁷mba hanandratra feo fiderana, TOMPO ô, sady hilaza ny asanao mahagaga rehetra.

⁸TOMPO ô, tiako ny trano itoeranao, dia ny fonenan’ny voninahitrao.

⁹Aza entinao miaraka amin’ny mpanota aho, na ny aiko miaraka amin’ny mpandatsa-dra

¹⁰izay misy fitaka eny an-tanany ary feno kolikoly ny tanany havanana!

¹¹Fa izaho dia mandeha amin’ny tsy fananako tsiny; avoty aho ary amindrao fo!

¹²Mijoro mahitsy amin’ny tongotro aho; ao amin’ny fiangonana no isaorako NY TOMPO.