Read La Bible en Malgache Salamo 5 Bible Online

Salamo 5 - La Bible en Malgache bible

Salamo 5

¹Ho an’ny mpiventy hira. Hampiarahina amin’ny sodina. Salamo nataon’i Davida. TOMPO ô, henoy ny teniko, fantaro ny fisentoako!

²Henoy ny feon’ny fitarainako, ry Mpanjakako sy Andriamanitro ô! Fa Aminao no ivavahako.

³TOMPO ô, amin’ny maraina no andrenesanao ny feoko; amin’ny maraina no manomana ny foko ho Anao aho ary miandry Anao.

⁴Fa tsy Andriamanitra mankasitraka izay ratsy Ianao ary tsy mba hitoetra eo Aminao ny ratsy.

⁵Tsy mahazo mijanona eo imasonao ny mpirehareha; halanao ny mpanao ratsy rehetra.

⁶Haringanao ny mpiteny lainga. Ataon’NY TOMPO ho zava-betaveta ny olona mpandatsa-dra sy mpamitaka.

⁷Fa izaho kosa dia hiditra ao amin’ny tranonao noho ny haben’ny famindramponao; hiankohoka manatrika ny lapanao masina amin’ny fahatahorana Anao aho.

⁸TOMPO ô, tariho amin’ny fahamarinanao aho fa misy ny mpampahory ahy; ataovy marina eo anoloako ny lalanao.

⁹Fa tsy misy azo itokiana ny aloaky ny vavany. Fandravana no ao anatiny, fasana misokatra ny tendany ary mandambolambo ny fiteniny.

¹⁰Melohy izy, Andriamanitra ô! Aoka ny fikasany ihany no handavo azy! Roahy izy noho ny habetsahan’ny fahotany, satria efa nikomy Taminao.

¹¹Dia hifaly izay rehetra mialoka Aminao; hihoby mandrakariva izy. Hiaro azy Ianao dia ho ravoravo Aminao ireo izay tia ny anaranao.

¹²Fa Ianao TOMPO ô dia mitahy ny marina; fankasitrahana no ataonao toy ny ampinga lehibe manodidina azy.