Read La Bible en Malgache Salamo 76 Bible Online

Salamo 76 - La Bible en Malgache bible

Salamo 76

¹Ho an’ny mpiventy hira. Hampiarahina amin’ny valiha. Salamo nataon’i Asafa. Tononkira. Andriamanitra dia fantatra ao amin’ny Joda; malaza eo amin’ny Israely ny anarany;

²naoriny ao Salema ny tranolainy ary ao Ziona* ny fonenany.

³Tao no nanapatapahany ny zana-tsipìka manelatselatra, ny ampinga sy ny sabatra ary ny fiadiana. Fiatoana.

⁴Mamirapiratra Ianao sady be voninahitra, mihoatra noho ny tendrombohitra mandrakizay.

⁵Voababo ny mahery fo; renoky ny torimasony izy; samy tsy nahahetsika ny tanany avokoa ny lehilahy mahery rehetra.

⁶Noho ny teny mafy nataonao, ry Andriamanitr’i Jakoba, dia sondrian-tory na ny kalesy fitondra miady na ny soavaly.

⁷Ianao, Ianao no mahatahotra! Koa iza no mahajanona eo anatrehanao rehefa miseho ny fahatezeranao?

⁸Avy tany an-danitra no nampandrenesanao ny didim-pitsarana; raiki-tahotra ny tany ka sina

⁹rehefa nitsangana hitsara Andriamanitra mba hamonjy ny mpandefitra rehetra ambonin’ny tany. Fiatoana.

¹⁰Ny fahatezeran’ny olona aza midera Anao; isikinanao ny fahatezerana sisa.

¹¹Manaova voady amin’NY TOMPO Andriamanitrareo ka efao ny voadinareo! Aoka izay rehetra manodidina Azy hanolotra fanatitra ho an’Izay mahatahotra.

¹²Manapitra ny fofonain’ny mpitondra Izy, ary Izy no tahotry ny mpanjakan’ny tany.