Read La Bible en Malgache Salamo 77 Bible Online

Salamo 77 - La Bible en Malgache bible

Salamo 77

¹Ho an’ny mpiventy hira. Al-Jedotona. Salamo nataon’i Asafa. Ny feoko dia mankany amin’Andriamanitra ka mitaraina aho; eny, ny feoko dia mankany amin’Andriamanitra ka manongilan-tsofina amiko Izy.

²Amin’ny andro fahoriako no itadiavako ny Tompo; misandratra mandritra ny alina ny tanako fa tsy vizana; ny fanahiko dia tsy mety ampiononina.

³Mahatsiaro an’Andriamanitra aho ka misento; te hieritreritra aho, reraka ny fanahiko. Fiatoana.

⁴Tsy avelanao hahita torimaso aho; mitebiteby aho ka tsy mahateny.

⁵Mihevitra ny andro fahiny aho, dia ny taon-dasa ela.

⁶Mahatsiaro ny hirako tamin’ny alina aho; mamadibadika ao am-poko aho ary ny fanahiko dia manontany hoe:

⁷Hanary mandrakizay va ny Tompo? Tsy hankasitraka intsony va Izy?

⁸Efa nitsahatra mandrakizay va ny famindrampony? Efa tapitra tsy ho an’ny taranaka rehetra va ny teniny?

⁹Efa nanadino hamindra fo va Andriamanitra? Efa nohidiany an-katezerana va ny fiantrany? Fiatoana.

¹⁰Hoy aho: Izao no mahararirary ny foko, dia ny niovan’ny tanana ankavanan’ny Avo Indrindra.

¹¹Hampahatsiaro ny asan’NY TOMPO aho fa mahatsiaro ny fahagagana nataonao fahiny.

¹²Eny, hisaina ny asanao rehetra aho ary hihevitra ny nataonao.

¹³Andriamanitra ô, amin’ny fahamasinana ny lalanao. Iza no andriamanitra lehibe tahaka an’Andriamanitra?

¹⁴Ianao no Andriamanitra izay manao fahagagana; nampahafantatra ny herinao teny amin’ny firenena Ianao.

¹⁵Navotan’ny sandrinao ny olonao, dia ny taranak’i Jakoba sy i Josefa. Fiatoana.

¹⁶Nahita Anao ny ranobe, Andriamanitra ô, nahita Anao ny ranobe ka toran-kovitra; eny, nanonjanonja ny lalina.

¹⁷Nandatsaka ranonorana ny rahona; nikotrokotroka ny lanitra; nifanaretsaka koa ny zana-tsipìkanao.

¹⁸Ny fikotrokotroky ny kotrokorana dia miaraka amin’ny tadio; nahazava izao rehetra izao ny tselatra; nihovotrovotra sy nihorohoro ny tany.

¹⁹Tany amin’ny ranomasina ny lalanao ary ny nalehanao dia tany amin’ny rano mandriaka ka tsy fantatra ny dian-tongotrao.

²⁰Tamin’ny tanan’i Mosesy sy i Arona no nitarihanao ny olonao toy ny andian’ondry.