Read La Bible en Malgache Ohabolana 9 Bible Online

Ohabolana 9 - La Bible en Malgache bible

Ohabolana 9

¹Efa nanorina ny tranony ny Fahendrena, efa nipaika ny andriny fito izy.

²Efa namono ny bibiny sy nangaroharo ny divainy izy ary efa namelatra ny latabany koa.

³Efa naniraka ny mpanompovaviny izy; miantso eny an-tampon’ny toerana avo eny an-tanàna izy ka miteny hoe:

⁴Iza no kely saina? Aoka izy hivily hankaty! Ary amin’izay tsy ampy saina dia hoy izy:

⁵Avia, hano ny mofoko ary sotroy ny divay voaharoko.

⁶Ilaozy ny hadalana dia ho velona ianao ary mizora amin’ny lalan’ny fahalalana!

⁷Izay mananatra ny mpaniratsira dia mahazo fahafaham-baraka ary izay mananatra ny ratsy fanahy dia hahazo tsiny.

⁸Aza mananatra ny mpaniratsira ianao, fandrao ho halany; ny hendry no anaro dia ho tiany ianao.

⁹Manomeza ho an’ny hendry dia mbola hihahendry ihany izy; ampianaro ny marina dia hitombo saina izy.

¹⁰Ny fahatahorana NY TOMPO no fiandohan’ny fahendrena ary ny fahalalana ny Iray Masina no fahazavan-tsaina.

¹¹Fa amin’ny alalako no hampitomboana ny andronao sy hanamaroana ny taona hiainanao.

¹²Raha hendry ianao dia hendry ho an’ny tenanao ihany; raha maniratsira ianao dia ianao ihany no hizaka ny valin’izany.

¹³Ny vehivavy adala dia vavàna; kely saina izy ka tsy mahalala na inona na inona.

¹⁴Mipetraka eo am-baravaran’ny tranony izy ary amin’ny seza eny amin’ny toerana avo eo an-tanàna

¹⁵mba hiantso ny mpandalo izay mizotra amin’ny alehany ka miteny hoe:

¹⁶Iza no kely saina? Aoka izy hivily hankaty! Ary amin’izay tsy ampy saina dia hoy izy:

¹⁷Mamy ny rano nangalarina, ary fy ny mofo hanina miafina!

¹⁸Nefa tsy fantany fa ny maty no ao, ary any amin’ny lalina any amin’ny fitoeran’ny maty* ny olona nasainy.