Read La Bible en Malgache Hosea 1 Bible Online

Hosea 1 - La Bible en Malgache bible

Hosea 1

¹Ny tenin’NY TOMPO, izay tonga tamin’i Hosea, zanak’i Bery, tamin’ny andro nanjakan’i Ozia, i Jotama, i Ahaza ary i Hezekia, mpanjakan’ny Joda, sy tamin’ny andron’i Jeroboama, zanak’i Joasy, mpanjakan’ny Israely.

²Ny fiandohan’ny tenin’NY TOMPO tamin’ny alalan’i Hosea: Hoy NY TOMPO tamin’i Hosea: Andeha ianao manambady vehivavy janga, zanaky ny fijangajangana, fa fatra-mpijangajanga miala amin’NY TOMPO ny tany.

³Dia lasa izy naka an’i Gomera, zanakavavin’i Diblaima. Ary nanana anaka Ravehivavy ka nitera-dahy taminy.

⁴Hoy NY TOMPO taminy: Ataovy hoe Jezirela ny anarany; fa vetivety foana dia hovaliako ny taranak’i Jeho noho ny ra nalatsaka tao Jezirela, ary hatsahatro ny fanjakan’ny taranak’Israely.

⁵Amin’izany andro izany dia hotapahiko ny tsipìkan’ny Israely ao amin’ny tany lemaka Jezirela.

⁶Ary nanana anaka indray Ravehivavy ka nitera-bavy. Dia hoy NY TOMPO taminy: Ataovy hoe Lo-Rohama[1] ny anarany; fa tsy hamindra fo amin’ny taranak’Israely intsony Aho; eny, tsy havelako mihitsy ny helony.

⁷Fa ny taranak’i Joda no hamindrako fo, ary Izaho TOMPO Andriamaniny no hamonjy azy, nefa tsy amin’ny tsipìka, na amin’ny sabatra na amin’ny ady na amin’ny soavaly na amin’ny mpitaingin-tsoavaly.

⁸Rehefa nisara-nono i Lo-Rohama dia nanana anaka indray ny reniny ka nitera-dahy.

⁹Dia hoy NY TOMPO: Ataovy hoe Lo-Amỳ[2] ny anarany fa tsy oloko ianareo, ary Izaho tsy anareo.