Read La Bible en Malgache Nomery 25 Bible Online

Nomery 25 - La Bible en Malgache bible

Nomery 25

¹Ary nitoetra tao Sitima ny Israely ka nanomboka nijangajanga tamin’ny zanakavavin’ny Moabita.

²Fa ireo dia nanasa ny olona hihinana tamin’ny zavatra novonoiny ho fanatitra ho an’ireo andriamaniny; koa nihinana ny olona sady niankohoka tamin’ireo andriamaniny ireo.

³Dia niray tamin’i Baala-Peora ny Israely ka nirehitra taminy ny fahatezeran’NY TOMPO.

⁴Dia hoy NY TOMPO tamin’i Mosesy: Alao ny loholona rehetra ary ahantòny tandrifin’ny masoandro eo anatrehan’NY TOMPO ireo nijangajanga ireo mba hitsahatra ny firehetan’ny fahatezeran’NY TOMPO amin’ny Israely.

⁵Dia hoy i Mosesy tamin’ireo mpitsara ny Israely: Samia ianareo mamono ny olom-peheziny izay niray tamin’i Baala-Peora!

⁶Ary indro, avy ny iray tamin’ny Zanak’Israely nitondra vehivavy midianita teo amin’ny rahalahiny, teo imason’i Mosesy sy teo imason’ny fiangonan’ny Zanak’Israely manontolo, izay nitomany teo amin’ny varavaran’ny tranolay fihaonana*.

⁷Ary raha nahita izany i Finehasa, zanak’i Eleazara, zanak’i Arona mpisorona, dia nitsangana niala teo amin’ny fiangonana izy ka nitondra lefona teny an-tanany.

⁸Dia nandeha nanaraka ilay lehilahy israelita tao an-day izy ary nataony indray nandefona izy roa, dia ny lehilahy israelita sy ilay vehivavy, ka voagorobaka hatrany amin’ny kibon-dRavehivavy. Dia nitsahatra ny areti-mandringana teo amin’ny Zanak’Israely.

⁹Efatra arivo sy roa alina ireo maty tamin’ny areti-mandringana.

¹⁰Hoy NY TOMPO tamin’i Mosesy:

¹¹I Finehasa, zanak’i Eleazara, zanak’i Arona mpisorona, no nampiala ny fahatezerako tamin’ny Zanak’Israely satria nirehitra noho ny fitiavany Ahy izy; koa tsy nataoko lany ringana ny Zanak’Israely tamin’ny firehetan’ny fahatezerako.

¹²Noho izany dia lazao hoe: Indro, omeko azy ny faneken’ny fihavanako.

¹³Izy sy ny taranany mandimby azy no hanana izany ho faneken’ny fisoronana mandrakizay satria nirehitra noho ny fitiavany an’Andriamaniny izy ka nanao fanavotana ho an’ny Zanak’Israely.

¹⁴Ny anaran’ilay lehilahy israelita novonoina, izay niaraka nolefonina tamin-dRavehivavy midianita, dia Zimry, zanak’i Salo, loham-pianakaviana tamin’ny Simeonita.

¹⁵Ary ny anaran’ilay vehivavy midianita izay novonoina dia Kosby, zanak’i Zora, loham-pianakaviana tamin’ny Midianita.

¹⁶Ary NY TOMPO niteny tamin’i Mosesy hoe:

¹⁷Ataovy fahavalo ny Midianita ka tafiho;

¹⁸fa nandrafy anareo tamin’ny fitaka nataony izy, tamin’ny namitahany anareo tamin’ilay raharahan’i Peora sy i Kosby anabavin’ireo, zanakavavin’ny andriandahy midianita iray, izay novonoina tamin’ny andron’ilay areti-mandringana noho ny amin’i Peora.

¹⁹Rehefa afaka ny areti-mandringana dia