Read La Bible en Malgache Nomery 26 Bible Online

Nomery 26 - La Bible en Malgache bible

Nomery 26

¹hoy NY TOMPO tamin’i Mosesy sy i Eleazara, zanak’i Arona mpisorona:

²Alao isa ny fiangonan’ny Zanak’Israely manontolo, hatramin’ny roapolo taona no ho miakatra, araka ny fianakaviany avy, dia izay rehetra avy amin’ny Israely azo alefa hanafika ao amin’ny Israely.

³Ary i Mosesy sy i Eleazara mpisorona dia niteny taminy tany Arbota-Moaba, teo amoron’i Jordana, tandrifin’i Jeriko hoe:

⁴Ny roapolo taona no ho miakatra no alao isa; araka izay nandidian’NY TOMPO an’i Mosesy sy ny Zanak’Israely izay nivoaka avy tany amin’ny tany Ejipta.

⁵Robena, lahimatoan’Israely. Ny zanak’i Robena dia i Hanoka sy ny fianakavian’ny Hanokita; avy tamin’i Palo, ny fianakavian’ny Paloita;

⁶avy tamin’i Hezrona, ny fianakavian’ny Hezronita; avy tamin’i Karmy, ny fianakavian’ny Karmita.

⁷Ireo no fianakavian’ny Robenita; izay voaisa taminy dia telopolo sy fitonjato sy telo arivo sy efatra alina.

⁸Ny zanak’i Palo dia i Eliaba.

⁹Ny zanak’i Eliaba dia i Nemoela sy i Datana ary i Abirama. Ireo dia ilay Datana sy i Abirama, olom-boafidin’ny fiangonana, izay nila ady tamin’i Mosesy sy i Arona, teo amin’ny antokon’i Kora, raha nila ady tamin’NY TOMPO izy,

¹⁰kanefa nisokatra ny tany ka nitelina azy ireo mbamin’i Kora, tamin’ny nahafatesan’izany antokony izany ary levon’ny afo koa ny dimampolo sy roanjato lahy ka tonga fananarana.

¹¹Ireo zanak’i Kora kosa anefa dia tsy mba maty.

¹²Ny taranak’i Simeona, araka ny fianakaviany, dia izao: Avy tamin’i Nemoela, ny fianakavian’ny Nemoelita; avy tamin’i Jamina, ny fianakavian’ny Jaminita; avy tamin’i Jakina, ny fokon’ny Jakinita;

¹³avy tamin’i Zera, ny fianakavian’ny Zerita; avy tamin’i Saoly, ny fianakavian’ny Saolita.

¹⁴Ireo no fianakavian’ny Simeonita, roanjato sy roa arivo sy roa alina.

¹⁵Ny taranak’i Gada, araka ny fianakaviany, dia izao: Avy tamin’i Zefona, ny fianakavian’ny Zefonita; avy tamin’i Hagy, ny fianakavian’ny Hagita; avy tamin’i Sony, ny fianakavian’ny Sonita;

¹⁶avy tamin’i Ozny, ny fianakavian’ny Oznita; avy tamin’i Ery, ny fianakavian’ny Erita;

¹⁷avy tamin’i Aroda, ny fokon’ny Arodita; avy tamin’i Arely, ny fianakavian’ny Arelita.

¹⁸Ireo no fianakavian’ny zanak’i Gada, araka izay voaisa taminy, dimanjato sy efatra alina.

¹⁹Ny zanak’i Joda dia i Era sy i Onana; kanefa i Era sy i Onana dia maty tany amin’ny tany Kanana.

²⁰Ary ny taranak’i Joda, araka ny fianakaviany, dia izao: Avy tamin’i Sela, ny fianakavian’ny Selita; avy tamin’i Fareza, ny fianakavian’ny Farezita; avy tamin’i Zera, ny fianakavian’ny Zerita.

²¹Ary ny taranak’i Fareza dia izao: Avy tamin’i Hezrona, ny fokon’ny Hezronita; avy tamin’i Hamola, ny fianakavian’ny Hamolita.

²²Ireo no fianakavian’i Joda, araka izay voaisa taminy, dimanjato sy enina arivo sy fito alina.

²³Ny taranak’Isakara, araka ny fianakaviany, dia izao: Avy tamin’i Tola, ny fianakavian’ny Tolita; avy tamin’i Pova, ny fianakavian’ny Povita;

²⁴avy tamin’i Jasoba, ny fianakavian’ny Jasobita; avy tamin’i Simrona, ny fianakavian’ny Simronita.

²⁵Ireo no fianakavian’Isakara, araka izay voaisa taminy, telonjato sy efatra arivo sy enina alina.

²⁶Ny taranak’i Zebolona, araka ny fianakaviany, dia izao: Avy tamin’i Sereda, ny fianakavian’ny Seredita; avy tamin’i Elona, ny fianakavian’ny Elonita; avy tamin’i Jahalela, ny fianakavian’ny Jahalelita.

²⁷Ireo no fianakavian’ny Zebolonita, araka izay voaisa taminy, dimanjato sy enina alina.

²⁸Ny zanak’i Josefa, araka ny fianakaviany, dia i Manase sy i Efraima.

²⁹Ny taranak’i Manase dia izao: Avy tamin’i Makira, ny fianakavian’ny Makirita; ary i Makira no niteraka an’i Gileada; avy tamin’i Gileada, ny fianakavian’ny Gileadita.

³⁰Izao no taranak’i Gileada: Avy tamin’i Jezera, ny fianakavian’ny Jezerita; avy tamin’i Heleka, ny fianakavian’ny Helekita;

³¹ary avy tamin’i Asriela, ny fianakavian’ny Asrielita; ary avy tamin’i Sekema, ny fianakavian’ny Sekemita;

³²ary avy tamin’i Semida, ny fianakavian’ny Semidita; ary avy tamin’i Hefera, ny fianakavian’ny Heferita.

³³Ary i Zelofada, zanak’i Hefera, dia tsy mba nanan-janakalahy fa zanakavavy ihany, ary ny anaran’ny zanany vavy dia i Mahala, i Noa, i Hogla, i Milka ary i Tirza.

³⁴Ireo no fianakavian’i Manase; ary izay voaisa taminy dia fitonjato sy roa arivo sy dimy alina.

³⁵Izao no taranak’i Efraima, araka ny fianakaviany: Avy tamin’i Sotela, ny fianakavian’ny Sotelita; avy tamin’i Bekera, ny fianakavian’ny Bekerita; avy tamin’i Tahana, ny fianakavian’ny Tahanita.

³⁶Ary izao no taranak’i Sotela: Avy tamin’i Erana, ny fianakavian’ny Eranita.

³⁷Ireo no fianakavian’ny taranak’i Efraima, araka izay voaisa taminy, dimanjato sy roa arivo sy telo alina. Ireo no taranak’i Josefa araka ny fokony.

³⁸Ny taranak’i Benjamina, araka ny fianakaviany, dia izao: Avy tamin’i Bela, ny fokon’ny Belita; avy tamin’i Asibela, ny fianakavian’ny Asibelita; avy tamin’i Ahirama, ny fianakavian’ny Ahiramita;

³⁹avy tamin’i Sefofama, ny fianakavian’ny Sefofamita; avy tamin’i Hofama, ny fianakavian’ny Hofamita.

⁴⁰Ary ny taranak’i Bela dia i Arda sy i Namana; dia ny fianakavian’ny Ardita, ary avy tamin’i Namàna, ny fianakavian’ny Namanita.

⁴¹Ireo no taranak’i Benjamina araka ny fianakaviany; izay voaisa taminy dia eninjato sy dimy arivo sy efatra alina.

⁴²Izao no taranak’i Dana, araka ny fianakaviany: Avy tamin’i Sohama, ny fianakavian’ny Sohamita. Ireo no fianakavian’i Dana, araka ny fokony.

⁴³Ny fianakavian’ny Sohamita rehetra, araka izay voaisa taminy, dia efajato sy efatra arivo sy enina alina.

⁴⁴Ny taranak’i Asera, araka ny fianakaviany dia izao: Avy tamin’i Jimna, ny fianakavian’ny Jimnita; avy tamin’i Jisvy, ny fianakavian’ny Jisvita; avy tamin’i Beria, ny fianakavian’ny Berita.

⁴⁵Avy tamin’ny zanak’i Beria dia izao: Avy tamin’i Hebera, ny fianakavian’ny Heberita; avy tamin’i Malkiela, ny fianakavian’ny Malkielita.

⁴⁶Ary ny anaran’ny zanakavavin’i Asera dia Sera.

⁴⁷Ireo no fianakavian’ny taranak’i Asera, araka izay voaisa taminy, efajato sy telo arivo sy dimy alina.

⁴⁸Ny taranak’i Naftaly, araka ny fianakaviany, dia izao: Avy tamin’i Jaziela, ny fianakavian’ny Jazielita; avy tamin’i Gonỳ, ny fianakavian’ny Gonita;

⁴⁹avy tamin’i Jezera, ny fianakavian’ny Jezerita; avy tamin’i Silema, ny fianakavian’ny Silemita.

⁵⁰Ireo no fianakavian’i Naftaly araka ny fianakaviany; ary izay voaisa taminy dia efajato sy dimy arivo sy efatra alina.

⁵¹Ireo no voaisa tamin’ny Zanak’Israely, telopolo sy fitonjato sy arivo sy enina hetsy.

⁵²Ary NY TOMPO niteny tamin’i Mosesy hoe:

⁵³Ireo izany no hizaràna ny tany ho lovany, araka ny isany.

⁵⁴Ny maro isa dia homenao zaratany lehibe kokoa ary ny vitsy an’isa dia homenao kely kokoa; samy araka izay voaisa taminy no hanomezana ny zaratany.

⁵⁵Hatao antsapaka anefa no hizaràna ny tany; araka ny anaran’ny fokon’ny razany no hahazoany zaratany.

⁵⁶Dia antsapaka no hizaràna ny tany ho lovany, na ny ho an’ny maro na ny ho an’ny vitsy.

⁵⁷Ary izao no voaisa tamin’ny taranak’i Levy, araka ny fianakaviany: Avy tamin’i Gersona, ny fianakavian’ny Gersonita; avy tamin’i Kehata, ny fianakavian’ny Kehatita; avy tamin’i Merary, ny fianakavian’ny Merarita.

⁵⁸Ireto no fianakavian’i Levy: Ny fianakavian’ny Libnita, ny fianakavian’ny Hebronita, ny fianakavian’ny Mahalita, ny fianakavian’ny Mosita, ny fianakavian’ny Koraìta. Ary i Kehata dia niteraka an’i Amrama.

⁵⁹Ary ny anaran’ny vadin’i Amrama dia Jokebeda, zanakavavin’i Levy, izay naterany tany Ejipta; dia niteraka an’i Arona sy i Mosesy ary i Miriama anabaviny tamin’i Amrama izy.

⁶⁰Ny naterak’i Arona dia i Nadaba, i Abiho, i Eleazara ary Itamara.

⁶¹Fa maty i Nadaba sy i Abiho tamin’izy ireo nanolotra afo tsy izy teo anatrehan’NY TOMPO.

⁶²Ary izay voaisa taminy dia telo arivo sy roa alina, dia ny lahy rehetra hatramin’ny iray volana no ho miakatra; fa tsy niaraka nisaina tamin’ny Zanak’Israely izy ireo satria tsy mba nomena zaratany teo amin’ny Zanak’Israely.

⁶³Ireo no voaisan’i Mosesy sy i Eleazara mpisorona, izay nanisa ny Zanak’Israely tany Arbota-Moaba, teo amoron’i Jordana, tandrifin’i Jeriko.

⁶⁴Tamin’ireo dia tsy nahitana olona avy tamin’izay efa voaisan’i Mosesy sy i Arona mpisorona tamin’izy nanisa ny Zanak’Israely tany an-tany efitr’i Sinay.

⁶⁵Fa NY TOMPO efa nilaza tamin’izy ireo hoe: Ho faty any an-tany efitra tokoa ireo. Koa tsy nisy olona sisa tamin’ireny afa-tsy i Kaleba, zanak’i Jefone, sy i Josoa, zanak’i Nona, ihany.