Read La Bible en Malgache Nomery 33 Bible Online

Nomery 33 - La Bible en Malgache bible

Nomery 33

¹Ireto avy no toerana nijanonan’ny Zanak’Israely, izay noentin’i Mosesy sy i Arona nivoaka avy tany amin’ny tany Ejipta araka ny antokony.

²Notanan’i Mosesy an-tsoratra ny toerana niaingany sy nijanonany, araka izay didin’NY TOMPO; ireto ny toerana nijanonany, araka ny diany:

³Niala tao Ramesesa izy ireo tamin’ny volana voalohany, dia tamin’ny andro fahadimy amby folo tamin’ny volana voalohany. Ny ampitson’ny Paska no nivoahan’ny Zanak’Israely tamin’ny fahafahana tanteraka, teo imason’ny Ejiptiana rehetra,

⁴fa mbola nandevina izay novonoin’NY TOMPO teo aminy ny Ejiptiana, dia ny lahimatoa rehetra; ny andriamaniny dia notsarain’NY TOMPO.

⁵Niala tao Ramesesa ny Zanak’Israely dia nitoby tao Sokota.

⁶Niala tao Sokota dia nitoby tao Etama, izay teo an-tsisin’ny tany efitra.

⁷Niala tao Etama dia niverina nankany Py-Hahirota, izay tandrifin’i Baala-Zefona ka nitoby tandrifin’i Migdola.

⁸Niala avy teo anoloan’i Hahirota ka nandeha nita teo afovoan’ny ranomasina ho any an-tany efitra, dia nandeha lalan-kateloana tany an-tany efitra Etama ary nitoby tao Mara.

⁹Niala tao Mara dia nankany Elima; tao Elima dia nisy loharano roa amby folo sy hazo daty fitopolo, dia nitoby teo.

¹⁰Niala tao Elima dia nitoby teo amoron’ny Ranomasina Mena.

¹¹Niala tao amoron’ny Ranomasina Mena dia nitoby tany an-tany efitra Sina.

¹²Niala tany an-tany efitra Sina dia nitoby tao Dopka.

¹³Niala tao Dopka dia nitoby tao Alosy.

¹⁴Niala tao Alosy dia nitoby tao Refidima na dia tsy nisy rano hosotroin’ny olona aza tao.

¹⁵Niala tao Refidima dia nitoby tany an-tany efitr’i Sinay.

¹⁶Niala tany an-tany efitr’i Sinay dia nitoby tao Kibrota-Hatava.

¹⁷Niala tao Kibrota-Hatava dia nitoby tao Hazerota.

¹⁸Niala tao Hazerota dia nitoby tao Ritma.

¹⁹Niala tao Ritma dia nitoby tao Rimona-Pareza.

²⁰Niala tao Rimona-Pareza dia nitoby tao Libna.

²¹Niala tao Libna dia nitoby tao Risa.

²²Niala tao Risa dia nitoby tao Kehelata.

²³Niala tao Kehelata dia nitoby tao an-tendrombohitra Sefera.

²⁴Niala tao an-tendrombohitra Sefera dia nitoby tao Harada.

²⁵Niala tao Harada dia nitoby tao Makelota.

²⁶Niala tao Makelota dia nitoby tao Tahata.

²⁷Niala tao Tahata dia nitoby tao Tara.

²⁸Niala tao Tara dia nitoby tao Mitka.

²⁹Niala tao Mitka dia nitoby tao Hasmona.

³⁰Niala tao Hasmona dia nitoby tao Moserota.

³¹Niala tao Moserota dia nitoby tao Bene-Jakana.

³²Niala tao Bene-Jakana dia nitoby tao Hora-Gidigada.

³³Niala tao Hora-Gidigada dia nitoby tao Jotbata.

³⁴Niala tao Jotbata dia nitoby tao Abrona.

³⁵Niala tao Abrona dia nitoby tao Eziona-Gebera.

³⁶Niala tao Eziona-Gebera dia nitoby tany an-tany efitra Zina na Kadesy.

³⁷Niala tao Kadesy dia nitoby tao amin’ny tendrombohitra Hora, tao an-tsisin’ny tanin’i Edoma.

³⁸Ary niakatra tao amin’ny tendrombohitra Hora i Arona mpisorona, araka ny didin’NY TOMPO, dia maty tao izy tamin’ny fahefapolo taona taorianan’ny nivoahan’ny Zanak’Israely tany amin’ny tany Ejipta, tamin’ny andro voalohany tamin’ny volana fahadimy.

³⁹Telo amby roapolo amby zato taona i Arona raha maty tao amin’ny tendrombohitra Hora.

⁴⁰Ary ren’ilay Kananita, mpanjakan’i Arada, izay nonina teo amin’ny tany Negeva, any amin’ny tany Kanana, fa avy ny Zanak’Israely.

⁴¹Niala tao amin’ny tendrombohitra Hora izy ireo dia nitoby tao Zalmona.

⁴²Niala tao Zalmona dia nitoby tao Ponona.

⁴³Niala tao Ponona dia nitoby tao Obota.

⁴⁴Niala tao Obota dia nitoby tao Ie-Abarima tao amin’ny sisintanin’i Moaba.

⁴⁵Niala tao Ie-Abarima dia nitoby tao Dibona-Gada.

⁴⁶Niala tao Dibona-Gada dia nitoby tao Almona-Diblataima.

⁴⁷Niala tao Almona-Diblataima dia nitoby tao amin’ny tendrombohitra Abarima, tandrifin’i Nebo.

⁴⁸Niala tamin’ny tendrombohitra Abarima dia nitoby tany Arbota-Moaba, teo amoron’i Jordana tandrifin’i Jeriko.

⁴⁹Ary nitoby teo amoron’i Jordana hatrany Bety-Jesimota ka hatrany Abela-Sitima, tany Arbota-Moaba.

⁵⁰Ary NY TOMPO niteny tamin’i Mosesy tany amin’ireo tany lemaka ngazana tany Moaba, teo amoron’i Jordana, tandrifin’i Jeriko hoe:

⁵¹Mitenena amin’ny Zanak’Israely hoe: Rehefa tafita an’i Jordana ianareo ka tonga any amin’ny tany Kanana

⁵²dia horoahinareo eo alohanareo ny mponina rehetra amin’ny tany ary horavanareo ny sampy vatony rehetra, holevoninareo ny sarin-javatra narendrika voalasitra rehetra nataony, hopotehinareo ny toerana fanaovany sorona rehetra;

⁵³dia halainareo ny tany ka honina ao ianareo; fa ianareo no nomeko ny tany mba ho zarataninareo.

⁵⁴Antsapaka no hizaranareo ny tany araka ny fianakavianareo avy. Ny maro an’isa dia homenareo zaratany bebe kokoa ary ny vitsy an’isa kosa dia homenareo kelikely kokoa; samy ao amin’izay tondroin’ny antsapaka ho azy no ho anjarany. Araka ny fokon’ny razanareo no hahazoanareo zaratany.

⁵⁵Fa raha tsy roahinareo eo alohanareo ny mponina amin’ny tany dia ho lay amin’ny masonareo sy ho tsilo amin’ny tehezanareo izay avelanareo hitoetra eo ka handrafy anareo eo amin’ny tany izay onenanareo izy ireny;

⁵⁶ary hataoko aminareo izay nokasaiko hatao aminy.