Read La Bible en Malgache Josoa 15 Bible Online

Josoa 15 - La Bible en Malgache bible

Josoa 15

¹Izao no anjaran’ny foko taranak’i Joda tamin’ny antsapaka araka ny fianakaviany: Hatrany amin’ny sisintanin’i Edoma, dia ny tany efitra Zina atsimo, izay faran’ny faritany atsimo.

²Ary ny faritaniny atsimo dia hatrany amin’ny faran’ny Ranomasintsira, hatrany amin’ny helodrano atsimo,

³nandroso hatrany atsimon’ny fiakarana Akrabima, nandroso hatrany Zina, niakatra any atsimon’i Kadesy-Barnea, nandroso hatrany Hezrona, niakatra any Adara, niolaka hatrany Karka,

⁴nandroso hatrany Azmona, nahazo ny lohasahan-driakan’i Ejipta, ary nihatra tamin’ny ranomasina. Izany no ho sisintaninareo atsimo.

⁵Ny sisintany atsinanana dia ny Ranomasintsira hatrany amin’ny faran’i Jordana. Ny sisintaniny tamin’ny lafiny avaratra dia hatramin’ny helodrano eo amin’ny faran’i Jordana,

⁶niakatra hatrany Bety-Hogla, nandroso any avaratr’i Bety-Araba, niakatra hatramin’ny vaton’i Bohana, zanak’i Robena,

⁷niakatra ho any Debira hatramin’ny lohasaha Akora, nianavaratra manandrify an’i Gilgala tandrifin’ny fiakarana Adomima izay eo atsimon’ny lohasahan-driaka, nandroso hatrany amin’ny ranon’i Eny-Semesy, nihatra tany Eny-Rogela,

⁸niakatra teo amin’ny lohasahan’ny taranak’i Hinoma, mankeo anilany atsimon’ny Jebosita na Jerosalema, niakatra hatramin’ny tampon’ny tendrombohitra izay manandrify ny lohasahan’i Hinoma eo andrefany, amin’ny farany avaratry ny lohasahan’ny Refaìta,

⁹nizotra hatrany an-tampon’ny tendrombohitra, nihatra tamin’ny loharanon’i Neftoa, nahazo ny tanàna tao an-tendrombohitra Efrona, nizotra hatrany Baala na Kiriata-Jearima,

¹⁰niolaka hatrany Baala andrefana hatrany amin’ny tendrombohitra Seìra, nandroso hatrany amin’ny ilany avaratry ny tendrombohitra Jearima na Kesalona, nidina hatrany Bety-Semesy, nandroso hatrany Timna,

¹¹nihatra tamin’ny lafiny avaratr’i Ekrona, nizotra hatrany Sikerona, nandroso hatrany amin’ny tendrombohitra Baala, nihatra tamin’i Jabniela, ary nihatra hatrany amin’ny ranomasina.

¹²Ary ny sisintany andrefana dia ny moron’ny Ranomasina Lehibe. Izany no sisintany manodidina ny anjaran’ny taranak’i Joda araka ny fianakaviany.

¹³Ary i Kaleba, zanak’i Jefone, dia nomeny anjara teo amin’ny taranak’i Joda, araka ny didin’NY TOMPO tamin’i Josoa, dia ny Kiriata-Arba na tanànan’i Arba, rain’i Anàka; Hebrona izany.

¹⁴Dia noroahin’i Kaleba niala tao izy telo lahy, taranaky ny Anakita, dia i Sesay sy i Ahimana ary i Talmay.

¹⁵Niakatra avy tao izy hankany amin’ny mponina any Debira ary Kiriata-Sefera no anaran’i Debira taloha.

¹⁶Ary hoy i Kaleba: Izay mamely an’i Kiriata-Sefera ka mahazo azy dia homeko azy i Aksa zanako vavy ho vadiny.

¹⁷Ary i Otniela, zanak’i Kenaza, rahalahin’i Kaleba, no nahazo azy ka nomeny azy i Aksa zanany vavy ho vadiny.

¹⁸Rehefa voampakatra Ravehivavy dia nanesika ny lahy hangataka saha tamin’ny rainy; dia niala tamin’ny borikiny haingana Ravehivavy ka hoy i Kaleba taminy: Inona no ilainao?

¹⁹Ary hoy izy: Omeo fanomezana manokana aho; fa tany tsy misy rano no nomenao ahy ka mba omeo loharano koa aho. Dia nomeny azy ny loharano ambony sy ny loharano ambany.

²⁰Izao no lovan’ny foko taranak’i Joda araka ny fianakaviany:

²¹Ny tanàna any amin’ny faran’ny sisintanin’ny foko taranak’i Joda, manakaiky ny sisintanin’i Edoma amin’ny Negeva, dia i Kabzela, i Edera, i Jagora,

²²i Kina, i Dimona, i Adada,

²³i Kadesy, i Hazora, Itnana,

²⁴i Zifa, i Telema, i Bealota,

²⁵i Hazora-Hadata, i Keriota-Hezrona na i Hazora,

²⁶i Amama, i Sema, i Molada,

²⁷i Hazara-Gada, i Hesmona, i Bety-Paleta,

²⁸i Hazara-Soala, i Bery-Sheba, i Biziotia,

²⁹i Baala, Iima, i Azema,

³⁰i Eltolada, i Kesila, i Horma,

³¹i Ziklaga, i Madmana, i Sansana,

³²i Lebaota, i Silima, i Aina, i Rimona; sivy amby roapolo ny tanàna rehetra mbamin’ny vohitra miankina aminy.

³³Ary teo amin’ny tany Sefela dia i Estaola, i Zora, i Asna,

³⁴i Zanoa, i Eny-Ganima, i Tapoa, i Enama,

³⁵i Jarmota, i Adolama, i Soko, i Azeka,

³⁶i Saraima, i Aditaima, i Gedera, i Gederotaima: Tanàna efatra amby folo mbamin’ny vohitra miankina aminy;

³⁷ary i Zenana, i Hadasa, i Migdala-Gada,

³⁸i Dilana, i Mizpa, i Joktela,

³⁹i Lakisy, i Bozkata, i Eglona,

⁴⁰i Kabona, i Lamasa, i Kitlisa,

⁴¹i Gederota, i Bety-Dagona, i Nama, i Makeda: Tanàna enina amby folo mbamin’ny vohitra miankina aminy,

⁴²i Libna, i Etera, i Asana,

⁴³i Jifta, i Asna, i Neziba,

⁴⁴i Keila, i Akziba, i Maresa: Tanàna sivy sy ny vohitra miankina aminy;

⁴⁵i Ekrona sy ny tanàna ao aminy mbamin’ny vohitra miankina aminy;

⁴⁶hatrany Ekrona no miankandrefana, dia izay rehetra akaiky an’i Asdoda, mbamin’ireo vohitra miankina aminy,

⁴⁷i Asdoda sy ny tanàna ao aminy mbamin’ny vohitra miankina aminy, i Gaza sy ny tanàna ao aminy mbamin’ny vohitra miankina aminy, hatrany amin’ny lohasahan-driakan’i Ejipta sy ny moron’ny Ranomasina Lehibe.

⁴⁸Ary tany amin’ny havoana dia i Samira, i Jatira, i Soko,

⁴⁹i Dana, i Kiriata-Sana na i Debira,

⁵⁰i Anaba, i Estemo, i Anima,

⁵¹i Gosena, i Holona, i Gilo: Tanàna iraika amby folo mbamin’ny vohitra miankina aminy;

⁵²i Araba, i Doma, i Esana,

⁵³i Janoma, i Bety-Tapoa, i Afeka,

⁵⁴i Homta, i Kiriata-Arba na i Hebrona, ary i Ziora: Tanàna sivy mbamin’ny vohitra miankina aminy,

⁵⁵i Maona, i Karmela, i Zifa, i Jota,

⁵⁶i Jezirela, i Jokdeama, i Zanoa,

⁵⁷i Kaina, i Gibea, i Timna: Tanàna folo mbamin’ny vohitra miankina aminy;

⁵⁸i Halola, i Bety-Zora, i Gedora

⁵⁹i Marata, i Bety-Anota, i Eltekona: Tanàna enina sy ny vohitra miankina aminy;

⁶⁰i Kiriata-Baala na i Kiriata-Jearima, i Raba: Tanàna roa mbamin’ny vohitra miankina aminy.

⁶¹Tany an-tany efitra dia i Bety-Araba, i Midina, i Sekaka,

⁶²i Nibsana sy ilay Tanànan-tsira ary i Eny-Gedỳ: Tanàna enina mbamin’ny vohitra miankina aminy.

⁶³Ary ny amin’ny Jebosita, mponina any Jerosalema, dia tsy naharoaka azy ny taranak’i Joda; fa miara-monina amin’ny taranak’i Joda any Jerosalema mandraka androany izy ireny.