Read La Bible en Malgache Josoa 19 Bible Online

Josoa 19 - La Bible en Malgache bible

Josoa 19

¹Ny anjara faharoa azo tamin’ny antsapaka dia azon’i Simeona, dia ny fokon’i Simeona isam-pianakaviany; ary ny lovany dia tao anatin’ny lovan’ny taranak’i Joda.

²Ary izao no azony ho lovany: i Bery-Sheba na i Seba, i Molada,

³i Hazara-Soala, i Baala, i Azema,

⁴i Eltolada, i Betola, i Horma,

⁵i Ziklaga, i Bety-Markabota, i Hazara-Sosa,

⁶i Bety-Lebaota ary i Sarohena: Tanàna telo amby folo mbamin’ny vohitra miankina aminy;

⁷i Aina, i Rimona, i Etera, ary i Asana: Tanàna efatra mbamin’ny vohitra miankina aminy;

⁸ary ny vohitra miankina aminy rehetra manodidina ireo tanàna ireo hatrany Baleta-Bera sy i Rama amin’ny Negeva. Ireo no lovan’ny foko taranak’i Simeona araka ny fianakaviany.

⁹Avy tamin’ny anjaran’ny taranak’i Joda no nahazoan’ny taranak’i Simeona ny lovany; fa nalalaka loatra taminy ny anjaran’ny taranak’i Joda, koa izany no nahazoan’ny taranak’i Simeona anjara tao anatin’ny azy.

¹⁰Ny anjara fahatelo azo tamin’ny antsapaka dia azon’ny taranak’i Zebolona isam-pianakaviany; ny sisintanin’ny lovany dia hatrany Sarida,

¹¹miakatra miankandrefana hatrany Marala, mahazo an’i Dabeseta, mihatra amin’ny lohasahan-driaka tandrifin’i Jokneama;

¹²mitodika miantsinanana hatrany Sarida, hatramin’ny sisintanin’i Kislota-Tabara, mandroso hatrany Daberata, miakatra hatrany Jafia,

¹³mandroso miantsinanana hatrany Gata-Hefera sy Ita-Kazina, mandroso hatrany Rimona, izay mipaka any Nea,

¹⁴miolaka eo avaratr’iny ka mahazo an’i Hanatona, mihatra amin’ny lohasaha Jifta-Ela.

¹⁵Ary i Katata, i Nahalola, i Simrona, Idala ary i Betlehema, dia tanàna roa amby folo sy ny vohitra miankina aminy.

¹⁶Izany no lovan’ny taranak’i Zebolona araka ny fianakaviany, dia ireo tanàna ireo mbamin’ny vohitra miankina aminy.

¹⁷Ny anjara fahefatra azo tamin’ny antsapaka dia azon’Isakara, dia ny taranak’Isakara isam-pianakaviany.

¹⁸Ny sisintaniny dia hatrany Jezirela, i Kesolota, i Sonema,

¹⁹i Hafraima, i Siona, i Anaharata,

²⁰i Rabita, i Kisiona, i Abeza,

²¹i Remeta, i Eny-Ganima, i Eny-Hada ary i Bety-Pazeza.

²²Ary ny faritaniny dia mahazo an’i Tabara, i Sahazoma, i Bety-Semesy, ka nihatra tany Jordana: Tanàna enina amby folo mbamin’ny vohitra miankina aminy.

²³Ireo no lovan’ny foko taranak’Isakara araka ny fianakaviany, dia ireo tanàna ireo mbamin’ny vohitra miankina aminy.

²⁴Ny anjara fahadimy azo tamin’ny antsapaka dia azon’ny fokon’i Asera isam-pianakaviany.

²⁵Ny sisintaniny dia i Helkata, i Haly, i Batena, i Aksafa,

²⁶i Alameleka, i Amada ary i Misala, dia mihatra amin’i Karmela eo andrefana sy i Sihora-Libnata,

²⁷avy eo mitodika miantsinanana ho any Bety-Dagona, mihatra amin’i Zebolona, ny lohasaha Jifta-Ela any avaratra, i Bety-Emeka, i Neiela, mihatra amin’i Kabola eo ankavia,

²⁸i Ebrona, i Rehoba, i Hamona, i Kana, hatrany Sidona lehibe,

²⁹mitodika hatrany Rama sy hatrany Tiro, tanàna mimanda, mitodika hatrany Hosa, mihatra amin’ny ranomasina eo akaikin’ny tany Akziba,

³⁰i Oma, i Afeka ary i Rehoba: Tanàna roa amby roapolo mbamin’ny vohitra miankina aminy.

³¹Izany no lovan’ny foko taranak’i Asera araka ny fianakaviany, dia ireo tanàna ireo sy ny vohitra miankina aminy.

³²Ny anjara fahenina azo tamin’ny antsapaka dia an’ny taranak’i Naftaly isam-pianakaviany.

³³Ny sisintaniny dia hatrany Halefa ka hatrany amin’ny hazo terebinta* ao Zananima, hatrany Adamy-Hanekeba, i Jabniela, hatrany Lakoma, mihatra tamin’i Jordana,

³⁴mitodika miankandrefana hatrany Aznota-Tabara, mandroso hatrany Hokoka, mihatra amin’i Zebolona eo atsimo sy i Asera eo andrefana ary Joda amoron’i Jordana eo atsinanana.

³⁵Ary ny tanàna mimanda dia i Zidima, i Zera, i Hamata, i Rakata, i Kinereta,

³⁶i Adama, i Rama, i Hazora,

³⁷i Kadesy, i Edrehy, i Eny-Hazora,

³⁸Irona, i Migdala-Ela, i Horema, i Bety-Anata ary i Bety-Semesy: Tanàna sivy amby folo mbamin’ny vohitra miankina aminy.

³⁹Ireo no lovan’ny fokon’i Naftaly araka ny fianakaviana, dia ireo tanàna ireo mbamin’ny vohitra miankina aminy.

⁴⁰Ny anjara fahafito azo tamin’ny antsapaka dia an’ny fokon’i Dana araka ny fianakaviany.

⁴¹Ary ny faritanin’ny lovany dia i Zora, i Estaola, Ira-Semesy,

⁴²i Salabima, i Aialona, i Jitla,

⁴³i Elona, i Timna, i Ekrona,

⁴⁴i Elteke, i Gibetona, i Balata,

⁴⁵i Jehoda, i Bene-Beraka, i Gata-Rimona,

⁴⁶i Me-Jarkona, i Rakona ary ny tany tandrifin’i Jopa.

⁴⁷Ny sisintanin’ny taranak’i Dana dia nandroso nihoatra ireo; fa niakatra ny taranak’i Dana, dia niady tamin’i Lesema ka naharesy azy ary namely azy tamin’ny lelan-tsabatra ka nahazo azy, dia nitoetra teo; ary ny anaran’i Lesema nataony hoe Dana araka ny anaran’i Dana rainy.

⁴⁸Izany no lovan’ny fokon’i Dana araka ny fianakaviany, dia ireo tanàna ireo sy ny vohitra miankina aminy.

⁴⁹Rehefa vitan’ny zanak’Israely ny fizarana ny tany holovany araka ny sisintaniny avy dia nomeny lova teo aminy koa i Josoa, zanak’i Nona.

⁵⁰Araka ny tenin’NY TOMPO dia nomeny azy ny tanàna izay nangatahiny, dia i Timnata-Sera any amin’ny tany havoanan’i Efraima; dia namboarin’i Josoa ilay tanàna ka nitoerany.

⁵¹Ireo no lova izay nozarain’i Eleazara mpisorona sy i Josoa, zanak’i Nona, ary ny lohan’ny fianakaviana tamin’ny fokon’ny Zanak’Israely tao Silo teo anatrehan’NY TOMPO, dia teo am-baravaran’ny tranolay fihaonana*, araka ny antsapaka. Ary vitany avokoa ny fizarany ny tany.