Read La Bible en Sango courant – Mbeti ti Nzapa Néhémie 11 Bible Online

Néhémie 11 - La Bible en Sango courant – Mbeti ti Nzapa bible

Néhémie 11

¹Amakonzi ti azo ni aga aduti na Jérusalem. Ti tanga ti azo ni, a bi mbeni ye ti baa zo wa laa na popo ti azo baleoko so alingbi ti duti na Jérusalem, gbata so ayeke nde si ayeke nzoni kue. Atanga ni gumbaya ayeke ngba ti ala na ya ti agbata nde nde ti kodro ni.

²Azo ni asara tufa na ndö ti azo so ayeda na be ti ala wani ti lango na Jérusalem.

³Amakonzi ti sese ni aduti na Jérusalem. Ti tanga ti azo ti Israel, awayango-sandaga, azo ti mara ti Lévi, azo ti kua ti kota da ti Nzapa na *ahale ti azo ti kua ti gbia Salomon angba na ya ti agbata ti ala wani, zo oko oko aduti na sese ti lo.

⁴Me ambeni zo ti mara ti Juda na ti Benjamin aduti nga na Jérusalem. Mbeni zo ti mara ti Juda ni ayeke Ataya; Ataya ayeke molenge ti Uzia; Uzia ayeke molenge ti Zakarii; Zakarii ayeke molenge ti Amaria; Amaria ayeke molenge ti Shefatia; Shefatia ayeke molenge ti Malaleel, mbeni oko na popo ti amolenge ti Peres.

⁵Mbeni zo ni ayeke Maaseya, molenge ti Baruk; Baruk ayeke molenge ti Kol-Hoze; Kol-Hoze ayeke molenge ti Hazaya; Hazaya ayeke molenge ti Adaya; Adaya ayeke molenge ti Yoyarib; Yoyarib ayeke molenge ti Zakarii; Zakarii ayeke molenge ti Shiloni.

⁶Akoli ti kete mara ti Peres so aduti na Jérusalem, wungo ti ala ayeke 468; ala kue ayeke angangu koli.

⁷Mbeni zo ti mara ti Benjamin ayeke Salu, molenge ti Meshulam; Meshulam ayeke molenge ti Yoed; Yoed ayeke molenge ti Pedaya; Pedaya ayeke molenge ti Kolaya; Kolaya ayeke molenge ti Maaseya; Maaseya ayeke molenge ti Itiel; Itiel ayeke molenge ti Yeshaya.

⁸Ambeni zo ni ayeke Gabai na Salai. Wungo ti azo ti mara ti Benjamin kue ayeke 928.

⁹Joël, zo ti gbata ti Zikri; lo laa lo yeke na li ti bongbi so. Yehuda, molenge ti Hasenua ayeke use makonzi ti gbata ni.

¹⁰Awayango-sandaga ayeke: Yedaya, molenge ti Yoyarib, Yakin,

¹¹Seraya, molenge ti Hilkia; Hilkia ayeke molenge ti Meshulam; Meshulam ayeke molenge ti Sadok; Sadok ayeke molenge ti Merayot; Merayot ayeke molenge ti Ahitub, makonzi ti kota da ti Nzapa;

¹²ala na ambeni ita ti ala so ayeke sara akua ti kota da ti Nzapa. Wungo ti ala ayeke 822. Ambeni zo ni ayeke Adaya, molenge ti Yeroam; Yeroam ayeke molenge ti Pelalia; Pelalia ayeke molenge ti Amsi; Amsi ayeke molenge ti Zakarii; Zakarii ayeke molenge ti Pashehur; Pashehur ayeke molenge ti Malkia;

¹³Adaya na a-ita ti lo so ayeke amakonzi ti asewa, wungo ti ala ayeke 242. Ambeni zo ni ayeke Amashesai, molenge ti Azarel; Azarel ayeke molenge ti Azai; Azai ayeke molenge ti Meshilemot; Meshilemot ayeke molenge ti Imer;

¹⁴ala na a-ita ti ala so ayeke angangu turugu, wungo ti ala ayeke 128. Zabdiel, molenge ti Hagedolim laa ayeke na li ti bongbi so.

¹⁵Azo ti mara ti Lévi ayeke: Shemaya, molenge ti Hashub; Hashub ayeke molenge ti Azrikam; Azrikam ayeke molenge ti Hashabia; Hashabia ayeke molenge ti Buni;

¹⁶ala na ambeni makonzi ti azo ti mara ti Lévi, Shabetai na Yozabad, so ayeke baa lege ti akua ti kota da ti Nzapa na mbage ti gigi.

¹⁷Ambeni zo ni ayeke Matania, molenge ti Mika; Mika ayeke molenge ti Zabdi; Zabdi ayeke molenge ti Asaf, makonzi so ayeke mu li ti bia ti sepelango Nzapa na ndembe so azo ayeke sambela; Bakebukia, ita ti Matania ayeke mu na lo maboko; Abda, molenge ti Shamua; Shamua ayeke molenge ti Galal; Galal ayeke molenge ti Yedutun.

¹⁸Azo ti mara ti Lévi so aduti na Jérusalem, gbata so ayeke nde si ayeke nzoni kue, wungo ti ala kue ayeke 284.

¹⁹Asanziri ayeke: Akub, Talmon na a-ita ti ala; ala yeke azo ti batango yanga ti gbagba. Wungo ti ala ayeke 172.

²⁰Tanga ti azo ti Israel, ala na awayango-sandaga na azo ti mara ti Lévi aduti na ya ti ambeni gbata ti Juda, zo oko oko na sese ti lo wani.

²¹Azo ti kua ti kota da ti Nzapa aduti na ya ti mbeni vaka ti Jérusalem so iri ni Ofel. Siha na Gishepa laa ayeke makonzi ti azo ti kua ni.

²²Zo so ayeke na li ti azo ti mara ti Lévi ayeke Uzi, molenge ti Bani; Bani ayeke molenge ti Hashabia; Hashabia ayeke molenge ti Mika; Mika ayeke mbeni zo ti kete mara ti Asaf; kete mara so kua ti azo ni ayeke ti hengo bia na ya ti kota da ti Nzapa.

²³Gbia amu mbeni mbela ndali ti azo ti hengo bia ni, mbela ni afa ndia ti akua so ala yeke sara na ya ti lango oko oko.

²⁴Petahia, molenge ti Meshezabel, zo ti kete mara ti Zera, molenge ti Juda, aduti na tere ti gbia na iri ti azo ti Israel.

²⁵Ambeni zo ti mara ti Juda alango na ya ti akete kodro nga na ayaka so ayeke na tere ni: Kiriat-Arba na ando nde nde so ayeke na tere ni, Dibon na ando nde nde so ayeke na tere ni, Yekabseel na akete kodro so ayeke na tere ni,

²⁶Yeshua, Molada, Bet-Pelet,

²⁷Hasar-Shual, Bersheba na ando nde nde so ayeke na tere ni,

²⁸Siklag, Mekona na ando nde nde so ayeke na tere ni,

²⁹En-Rimon, Sora, Yarmut,

³⁰Zanoa, Adulam na akete kodro so ayeke na tere ni, Lakish na ayaka ni, Azeka na ando nde nde so ayeke na tere ni. Azo ni aduti na popo ti Bersheba, na mbage ti Mbongo, ngbii asi na popo-hoto ti Hinom, na mbage ti Banga.

³¹Ambeni zo ti mara ti Benjamin aduti na Geba, Mikmas, Aya, Betel na ando nde nde so ayeke na tere ni,

³²Anatot, Nob, Anania,

³³Hasor, Rama, Gitaim,

³⁴Hadid, Seboim, Nebalat,

³⁵Lod, Ono nga na popo-hoto ti Awakode-kua.

³⁶Ambeni zo ti mara ti Lévi alondo na sese ti Juda si ague na sese ti Benjamin.