Read La Bible en Sango courant – Mbeti ti Nzapa Néhémie 12 Bible Online

Néhémie 12 - La Bible en Sango courant – Mbeti ti Nzapa bible

Néhémie 12

¹So ayeke iri ti awayango-sandaga na azo ti mara ti Lévi so alondo na ngbaa na kodro wande si ala kiri laa. Ala na Zorobabel, molenge ti Shealtiel na Yeshua laa akiri oko. Azo ni ayeke: Seraya, Irmeya, Ezra,

²Amaria, Maluk, Hatush,

³Shekania, Rehum, Meremot,

⁴Ido, Ginetoi, Abia,

⁵Miamin, Maadia, Bilga,

⁶Shemaya, Yoyarib, Yedaya,

⁷Salu, Amok, Hilkia na Yedaya. Na ngoi ti Yeshua, azo so kue ayeke amakonzi ti awayango-sandaga na ti a-ita ti ala, azo ti mara ti Lévi.

⁸Azo ti mara ti Lévi ayeke: Yeshua, Binui, Kadmiel, Sherebia, Yehuda na Matania. Matania na a-ita ti lo ayeke azo ti hengo bia ti sepelango na Nzapa.

⁹Bakebukia, Uni na ambeni ita ti ala so aluti abaa le na ala na sarango kua ni ayeke kiri tënë na Matania na a-ita ti lo.

¹⁰Yeshua adu Yoyakim; Yoyakim adu Eliashib; Eliashib adu Yoyada;

¹¹Yoyada adu Jonatan; Jonatan adu Yadua.

¹²Na ngoi so Yoyakim ayeke kota wayango-sandaga, awayango-sandaga so ayeke amakonzi ti asewa ayeke: Meraya, ti sewa ti Seraya; Hanania, ti sewa ti Irmeya;

¹³Meshulam, ti sewa ti Ezra; Yohanan, ti sewa ti Amaria;

¹⁴Jonatan, ti sewa ti Meliku; Joseph, ti sewa ti Shebania;

¹⁵Adna, ti sewa ti Harim; Helkai, ti sewa ti Merayot;

¹⁶Zakarii, ti sewa ti Ido; Meshulam, ti sewa ti Gineton;

¹⁷Zikri, ti sewa ti Abia, … ti sewa ti Miniamin; Piltai, ti sewa ti Moadia;

¹⁸Shamua, ti sewa ti Bilga; Jonatan, ti sewa ti Shemaya;

¹⁹Matenai, ti sewa ti Yoyarib; Uzi, ti sewa ti Yedaya;

²⁰Kalai, ti sewa ti Salai; Eber, ti sewa ti Amok;

²¹Hashabia, ti sewa ti Hilkia na Netaneel, ti sewa ti Yedaya.

²²Na ngoi ti akota wayango-sandaga Eliashib, na pekoni Yoyada si ti hunzi na Yohanan nga na Yadua, a su na mbeti iri ti azo ti mara ti Lévi so ayeke amakonzi ti asewa; a sara legeoko tongaso na awayango-sandaga ngbii asi na ngoi so Darius ayeke gbia ti Perse.

²³A su nga iri ti amakonzi ti azo ti mara ti Lévi na ya ti mbeti-sango ti ngu oko oko ti kodro ni; me ye ni aninga ngbii asi gi na ngoi ti Yohanan, tara ti Eliashib.

²⁴Amakonzi ti azo ti mara ti Lévi Hashabia, Sherebia na Yeshua, molenge ti Kadmiel aluti abaa le na ambeni zo ti mara ti Lévi, ala yeke sepela Nzapa si ala yeke gonda lo, tongana ayeke ngoi ti ala ti sarango kua na ya ti kota da ti Nzapa. Amakonzi ni asara ye alingbi na yanga so David, zo ti Nzapa amu.

²⁵Matania, Bakebukia, Obadia, Meshulam, Talmon na Akub, asanziri so ayeke bata yanga ti gbagba, kua ti ala ayeke ti baa ndo na ndö ti da ti mosoro so ayeke nduru na yanga ti kota da ti Nzapa.

²⁶Ala sara lani kua ti ala na ngoi ti Yoyakim, molenge ti Yeshua; Yeshua ayeke molenge ti Yosadak. Ala sara nga kua ni na ngoi ti govoronere Néhémie, nga na ngoi ti Esdras, wayango-sandaga so lo yeke nga wafango-ndia.

²⁷So ala hunzi ti leke gbagba ti Jérusalem awe, a tokua titene a iri azo ti mara ti Lévi so ayeke lango na ando nde nde ti ga na Jérusalem ti sara matanga ti ziango gbagba ti gbata ni nde ndali ti Nzapa. Ala sara matanga ni na ngia, na lege ti abia ti sepelango Nzapa, na lege ti pikango ngo, akota kundi na akete kundi.

²⁸Azo ti hengo bia abongbi tere ti ala. Ala londo na ya ti akete kodro nde nde so angoro Jérusalem, nga na ya ti akete kodro ti azo ti mara ti Netofa. Biani, azo ti hengo bia ni aleke lani akete kodro ndali ti ala wani na ando so angoro Jérusalem. Ala londo nga na Bet-Gilgal, na sese ti Geba na ti Azmavet si aga.

²⁹

³⁰Awayango-sandaga na azo ti mara ti Lévi *asukula sioni ti ala wani, ala sukula sioni ti azo ni nga na sioni ti ayanga ti gbagba ti gbata ni.

³¹Mbi sara titene amakonzi ti Juda ako na ndö ti gbagba ni. Mbi leke kota bongbi use ti azo ti hengo bia. Kozo bongbi ni atambula na ndö ti gbagba ni ti gue na mbage ti maboko ti koli, na mbage ti yanga ti gbagba so iri ni Ti-puru.

³²Hoshaya na ndambo ti amakonzi ti Juda atambula na peko ti azo ti hengo bia;

³³na pekoni Azaria, Ezra, Meshulam,

³⁴Yehuda, Benjamin, Shemaya na Irmeya.

³⁵Na peko ti ala ayeke awayango-sandaga so agbu atatalita. Awayango-sandaga ni ayeke: Zakarii, molenge ti Jonatan; Jonatan ayeke molenge ti Shemaya; Shemaya ayeke molenge ti Matania; Matania ayeke molenge ti Mikaya; Mikaya ayeke molenge ti Zakur; Zakur ayeke molenge ti Asaf.

³⁶Zakarii na a-ita ti lo Shemaya, Azarel, Milalai, Gilalai, Maai, Nataneel, Yehuda na Hanani ayeke tambula na peko ti ala. Ala yo agbakuru ti mozoko so David, zo ti Nzapa aleke ni. Esdras, wafango-ndia ayeke na li ti kozo bongbi ti azo ti hengo bia ni.

³⁷So ala si na yanga ti gbagba so iri ni Ti-ngu awe, andaa ala si na Gbata ti David. Ala ma eskalie ti gbata ni si ala ko na ndö ti gbagba ni so ayeke na nduzu ahon yangbo ti David. Na pekoni, ala gue ngbii ala si na yanga ti gbagba so iri ni Ngu, na mbage ti To ti gbata ni.

³⁸Use bongbi ti azo ti hengo bia ni amu lege ti gue na mbage ti maboko ti wali. Mbi na ndambo ti amakonzi ti azo ni, e mu peko ti ala, e tambula na ndö ti gbagba ti gbata ni, na ndö ti kota da so ayo na nduzu so iri ni Ti-afur. Na pekoni, e gue ngbii e si na ndo so yanga ti gbagba ni akono daa.

³⁹E kiri e hon na ndö ti yanga ti gbagba so iri ni Ti-Efraim, na ndö ti yanga ti gbagba so iri ni Ti-Yeshana nga na ndö ti yanga ti gbagba so iri ni Ti-asusu. Na pekoni, e londo na kota da ti Hananeel so ayo na nduzu nga na kota da so iri ni Ngbangbo, e hon yanga ti gbagba so iri ni Ti-ataba si e gue, e luti na yanga ti gbagba so iri ni Ti-aturugu.

⁴⁰Use bongbi ti azo ti hengo bia ni ague, aluti na ya ti kota da ti Nzapa. Mbi nga, mbi luti, mbi na ndambo ti akota zo so amu peko ti mbi.

⁴¹Awayango-sandaga Eliakim, Maaseya, Miniamin, Mikaya, Eliohenai, Zakarii na Hanania ayeke huru tatalita.

⁴²Ambeni wayango-sandaga ni ayeke Maaseya, Shemaya, Elazar, Uzi, Yohanan, Malkia, Elam na Ezer. Azo ti hengo bia ayeke he bia ngangu si Izrahia laa ayeke baa ndo na ndö ti ala.

⁴³Na lango ni so, azo amu gba ti *sandaga na Nzapa, ala sara ngia mingi. Biani, Nzapa asara si be ti azo ti lo asi singo na kota ngia. Na Jérusalem, awali na amolenge asara nga ngia mingi si a ma ngia ni na mbeni ndo yongoro.

⁴⁴Na lango ni so, a soro ambeni zo titene ala baa ndo na ndö ti ada ti batango akozo le ti keke, akozo le ti kobe nga na *adime ti akobe ti yaka. Kua ti azo ni ayeke ti bata na ya ti ada ni so ale ti kobe so *Ndia ahunda na azo titene ala ga na ni na awayango-sandaga nga na azo ti mara ti Lévi. Ale ti kobe ni alondo na ya ti ayaka so azo afâ si angoro agbata. Biani, be ti azo ti Juda anzere mingi na kua so awayango-sandaga na azo ti mara ti Lévi ayeke sara.

⁴⁵Ala yeke sara kua ti Nzapa ti ala, ala yeke sara nga kua ti *sukulango sioni ti azo. Azo ti hengo bia na azo ti batango yanga ti gbagba, ala nga asara ye alingbi na yanga so David na molenge ti lo Salomon amu.

⁴⁶Biani ando giriri, na ngoi ti David na ti zo ti hengo bia Asaf, amakonzi ti azo ti hengo bia aduti na li ti azo so ayeke he bia ti sepelango Nzapa na ti mungo singila na lo.

⁴⁷Na ngoi ti Zorobabel na ti Néhémie, azo ti Israel kue ayeke mu aye na ya ti lango oko oko na azo ti hengo bia nga na azo ti batango yanga ti gbagba. Ala yeke mu nga aye so azia ni nde ndali ti azo ti mara ti Lévi si azo ti mara ti Lévi ayeke mu mbage ni na awayango-sandaga so ayeke amolenge ti Aaron.