Read La Bible en Sango courant – Mbeti ti Nzapa Job 23 Bible Online

Job 23 - La Bible en Sango courant – Mbeti ti Nzapa bible

Job 23

¹Job amu tënë si lo tene:

²Laso, mbi ye ti kanga be na ndö ti demango tere ti mbi, me pasi ti mbi ahon ndö ti mbi.

³Tongana mbi hinga fade ndo so Nzapa ayeke daa, ka mbi gue ngbii mbi si na da ti lo;

⁴ka mbi fa tënë ti mbi na lo; ka mbi tene gba ti atënë, ti fa na lo nda ti atënë ti mbi.

⁵Tongaso ka mbi hinga tënë so lo yeke kiri ni na mbi; ka mbi hinga nda ti tënë so lo ye ti tene na mbi.

⁶Lo lingbi fade ti mu ngangu ti lo kue ti tiri na mbi? Ên-en! Lo yeke duti kpoo ti ma mbi.

⁷Tongaso, ka Nzapa ahinga ye oko: zo so ayeke fa tënë ti lo na lo ayeke zo so asara ye na legeni. Ka lo so ayeke wafango-ngbanga ti mbi ayeke zi mbi na ya ti ngbanga ni fani oko ahunzi.

⁸Me tongana mbi gue na To, Nzapa ayeke kâ pepe; mbi gue na Do, mbi baa lo pepe.

⁹Lo ngba ti sara kua na mbage ti Banga? Mbi baa lo kâ pepe. Lo honde tere ti lo na mbage ti Mbongo? Mbi baa nga lo kâ pepe.

¹⁰Andaa lege so mbi hon daa, lo hinga ni nzoni. Tongana lo tara mbi, fade mbi yeke sigigi tarara tongana lôro.

¹¹Mbi tambula gi na peko ti gere ti lo; mbi ngba gi na lege ti lo, mbi hon na mbeni lege nde pepe.

¹²Mbi zia atënë ti yanga ti lo pepe ti sara mbeni ye nde; ambela ti lo kue, mbi bata ni na be ti mbi.

¹³Me tënë ti be ti lo ayeke gi oko. Zo wa laa alingbi ti sara si lo sanze? Ye so anzere na lo ti sara, lo yeke sara ni.

¹⁴Ye so lo leke na be ti lo ti sara na mbi, fade lo yeke sara ni; mara ti aye ni so angba mingi na be ti lo ti sara.

¹⁵Baa ye so asara si mbeto asara mbi na dawa ti Nzapa laa. Tongana mbi ngba ti gbu li ti mbi, mbeto ti lo akiri asara mbi ahon ndoni.

¹⁶Nzapa asara si mbi woko kue; lo so ngangu ti lo ahon angangu kue asara si tere ti mbi ayeke do na mbeto.

¹⁷Biani, ataa so vukongo ndo na ndo so avuko pitipiti akanga ndö ti mbi, mbi kanga yanga ti mbi pepe.