Read La Bible en Sango courant – Mbeti ti Nzapa Abia (Psaumes) 124 Bible Online

Abia (Psaumes) 124 - La Bible en Sango courant – Mbeti ti Nzapa bible

Abia (Psaumes) 124

¹A yeke he bia so na ndembe ti guengo ni na Jérusalem. Bia ti David. Tongana *KOTA GBIA amu fade mbage ti e pepe, ka nyen laa ayeke si na e, nyen? Ayeke nzoni azo ti Israel akiri na ndö ti tënë ni, atene:

²“Tongana KOTA GBIA amu fade mbage ti e pepe”, na ngoi so azo alondo ti tiri bira na e,

³na ngonzo ti ala ti wâ so alondo na tere ti e so, ka ala mene e na fini ni awe.

⁴Tongana KOTA GBIA amu fade mbage ti e pepe, ka ngu amu e, ahon na e, ka ngu so ayeke sua na ngangu so amene e awe;

⁵ka angu so ayeke kporo kporongo so amene e awe.

⁶E mu singila na KOTA GBIA so asara si e ga kobe ti tengo ti azo ni so pepe!

⁷E sigigi na ya ti gbanda ti azo ni tongana ndeke so asigigi na ya ti gbanda so agbu lo. Ya ti gbanda ni asuru si e kpe, e hon.

⁸Zo ti mungo maboko na e ayeke KOTA GBIA wani, lo so lo sara yayu na sese.