Read La Bible en Sango courant – Mbeti ti Nzapa Abia (Psaumes) 127 Bible Online

Abia (Psaumes) 127 - La Bible en Sango courant – Mbeti ti Nzapa bible

Abia (Psaumes) 127

¹A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

²Ala yeke londo hio na kota ndaperere, ala yeke sara kua ngbii ala yeke lango hio pepe, ala yeke baa pasi ngbii si ala wara kobe ti tengo ni; aye so kue ayeke gi senge senge. KOTA GBIA ayeke mu ye na zo ti lo so lo ye lo, ataa zo ni ayeke lango.

³Biani, amolenge ayeke taa mosoro na ya ti sewa, mosoro so KOTA GBIA ayeke mu na zo; amolenge ti ya ti zo ayeke futa so zo ayeke wara.

⁴Amolenge so koli adu na ngoi ti maseka ti lo, ala yeke tongana ale ti kokora na maboko ti ngangu zo ti bira.

⁵Ti lo nzoni, zo so ya ti bozo ti kokora ti lo asi singo na ale ti kokora ni! Fade kamene ti tenengo tënë na awato ti lo ayeke sara lo pepe na ndo so a yeke leke ka atënë daa.