Read La Bible en Sango courant – Mbeti ti Nzapa Abia (Psaumes) 42 Bible Online

Abia (Psaumes) 42 - La Bible en Sango courant – Mbeti ti Nzapa bible

Abia (Psaumes) 42

¹Bia ti azo ti Kore; bia so ayeke ndali ti makonzi-bia. Bia ti fango ye na zo.

²Tongana ti so tagba ayeke gi ngu so ayeke sua titene lo nyon, mbi nga, mbi yeke gi Nzapa ti mbi legeoko tongaso.

³Tongana ti so nzara ti ngu ayeke sara zo, nzara ti Nzapa so ayeke na fini ayeke sara mbi legeoko tongaso. Lawa laa mbi yeke li na ya ti kota da ti lo ti luti na dawa ti lo so?

⁴Bi na lâ, ngu ti le ti mbi ayeke sua, aga tongana kobe ti mbi ti tengo ni. Azo ayeke hunda mbi lakue, atene: “Nzapa ti mo ni ayeke na ndo wa?”

⁵Na vundu na be, mbi dabe ti mbi na ngoi so mbi yeke na li ti molongo ti azo so ayeke gue na kota da ti Nzapa. Mbi yeke tambula na popo ti gba ti azo so ayeke he bia na ngia, ala yeke dekongo na Nzapa ti gonda lo.

⁶Mbi hunda tere ti mbi: mbi yeke na vundu tongaso ndali ti nyen? Mbi yeke dema tere ti mbi tongaso ndali ti nyen? Ayeke nzoni mbi zia be ti mbi ti ku Nzapa! Biani, fade mbi yeke kiri ti sepela lo, lo so lo soo mbi.

⁷Nzapa ti mbi, mbi yeke na vundu. Na ndo so kue mbi yeke daa, ataa mbi yeke kâ na sese ti Jourdain, ataa mbi yeke na li ti ahoto ti Hermon, ataa mbi yeke na tere ti hoto ti Misar, mbi yeke dabe ti mbi na mo.

⁸Mo sara si ngu so asua atoto ngangu. *Amapo ti ngu ni ayeke iri ambeni mapo ni. Amapo so kue mo sara na le ti ngu ni ayeke hon na ndö ti mbi, ayeke hon na ndö ti mbi.

⁹Na kota lâ, ayeke nzoni *KOTA GBIA asara nzoni be ti lo na mbi; na bi, mbi yeke he bia na lo si mbi yeke sambela Nzapa so asara si mbi ngba na fini.

¹⁰Mbi ye ti tene na Nzapa, kota têne so mbi luti na ndö ni ti bata tere ti mbi, mbi tene: “Mo girisa mbi ngbanga ti nyen? Ngbanga ti nyen si mbi duti gi na vundu si awato ti mbi ayeke sara ngangu na mbi so?”

¹¹Azo ti kengo mbi ayeke zonga mbi; ala yeke hunda mbi lakue, atene: “Nzapa ti mo ni ayeke na ndo wa?” Atënë ti ala ni aye ti fâ ya ti abio ti mbi kue.

¹²Mbi hunda tere ti mbi: mbi yeke na vundu tongaso ndali ti nyen? Mbi yeke dema tere ti mbi tongaso ndali ti nyen? Ayeke nzoni mbi zia be ti mbi ti ku Nzapa! Biani, fade mbi yeke kiri ti sepela lo, lo so lo soo mbi si lo yeke Nzapa ti mbi.