Read La Bible en Sango courant – Mbeti ti Nzapa Abia (Psaumes) 47 Bible Online

Abia (Psaumes) 47 - La Bible en Sango courant – Mbeti ti Nzapa bible

Abia (Psaumes) 47

¹Bia ti azo ti Kore; bia so ayeke ndali ti makonzi-bia.

²Ala azo kue, ala pika maboko, ala dekongo na Nzapa, na ngia.

³Biani, *KOTA GBIA, lo so lo yeke na yayu kâ na ndö ti aye kue, lo yeke zia mbeto na be ti zo; lo yeke kota gbia na ndö ti sese kue.

⁴Lo yeke zia azo na gbe ti e, lo yeke zia amara nde na gbe ti gere ti e.

⁵Lo soro na e kodro so aga ti e; e yeke gonda tere ti e ndali ni, e *ahale ti Jacob so Nzapa aye e mingi so. Luti kete

⁶Nzapa ali na ya ti kota da ti lo na popo ti dekongo ti azo; so KOTA GBIA ayeke gue, azo ayeke huru didi ndali ti lo.

⁷Ala he bia na Nzapa, ala he bia! Ala he bia na gbia ti e, ala he bia!

⁸Biani, Nzapa laa ayeke gbia ti ndö ti sese kue. Ala he pendere bia na lo!

⁹Nzapa ayeke le-gbia na ndö ti amara nde; lo duti na ndö ti mbata ti lo ti gbia, mbata so a zia nde ndali ti lo.

¹⁰Amakonzi ti amara abongbi tere ti ala; ala bongbi na azo ti Nzapa ti Abraham. Biani, amakonzi ti sese so ayeke ti Nzapa, lo so lo yeke na nduzu, na ndö ti aye kue.