Read La Bible en Sango courant – Mbeti ti Nzapa Abia (Psaumes) 95 Bible Online

Abia (Psaumes) 95 - La Bible en Sango courant – Mbeti ti Nzapa bible

Abia (Psaumes) 95

¹Ala ga, e dekongo na ngia na *KOTA GBIA, e pika maboko na li ti lo so lo yeke Kota Têne so e kpe daa ti soo kuâ.

²E ga, e luti na le ti lo ti mu singila na lo, e pika mozoko ti gonda na lo,

³ngbanga ti so KOTA GBIA ayeke kota Nzapa, lo yeke kota Gbia so ayeke na ndö ti anzapa kue.

⁴Aye so ayeke na gbe ti sese ayeke na ya ti maboko ti lo, ali ti ahoto ayeke ti lo.

⁵Kota ngu-ingo ayeke ti lo, lo laa lo sara ni; sese ayeke ti lo, maboko ti lo laa asara ni.

⁶Ala li, e kuku, e kpo li ti e na sese, e voro lo; e kuku na gbe ti KOTA GBIA, lo so lo sara e.

⁷Biani, lo yeke Nzapa ti e; e yeke azo ti lo so lo yeke bata e, ataba so lo yeke fa lege na ala. Laso, ala ma tënë so lo tene:

⁸“Ala kpengba be ti ala pepe tongana ti so akotara ti ala asara ando na Meriba, tongana ti so akotara ti ala asara na lango so ala yeke na benyama ti Masa.

⁹Kâ, akotara ti ala agi yanga ti mbi, ala tara be ti mbi, ataa so ala baa ye so mbi sara.

¹⁰Na ya ti ngu baleosio, azo ti ngoi ni so asara ye so aso be ti mbi, nilaa mbi tene: ‘Li ti azo so ague kirikiri awe, lege so mbi ye ala mu, ala hinga ni pepe.’

¹¹Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”