Read La Bible en Sango courant – Mbeti ti Nzapa B. ti abia 5 Bible Online

B. ti abia 5 - La Bible en Sango courant – Mbeti ti Nzapa bible

B. ti abia 5

¹Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

²Mbi yeke lango, me be ti mbi ayeke ku. Mbi ma kamba ti be ti mbi apika yanga ti da. Zi na mbi yanga ti da, ita ti mbi ti wali, mo so mbi ye mo mingi so, mbipa ti mbi, mo wali ti mbi so mo yeke nzoni kue so. Ngu ti pere akanga li ti mbi kue, kua ti li ti mbi kue ayeke na ngu ti pere ti bi.

³Mbi zi nduzu-bongo ti mbi awe, mbi yeke kiri ti yu ni tongana nyen? Mbi sukula gere ti mbi awe, mbi yeke kiri ti sara na sarate tongana nyen?

⁴Kamba ti be ti mbi ayoro maboko ti lo na du ti yanga ti da, be ti mbi ado ndali ti lo.

⁵Mbi londo ti zi yanga ti da ni na lo. Mire asi singo na maboko ti mbi, yombo ti mire ayeke yuru na ali ti maboko ti mbi, na ndö ti angbongboro wen ti yanga ti da ni.

⁶Mbi zi yanga ti da na kamba ti be ti mbi. Me lo turne peko na mbi, lo hon ti lo. Be ti mbi afâ. Mbi gi lo, me mbi wara lo pepe; mbi iri lo, me lo yeda pepe.

⁷Asanziri so ayeke tambula na ya ti gbata awara mbi, asanziri so ayeke bata ngangu gbagba so; ala pika mbi, ala zia ka na tere ti mbi, ala zi mapia-bongo so ayeke na ndö ti go ti mbi.

⁸Ala amaseka-wali ti Jérusalem, mbi voro ala mingi, tongana ala wara tere na kamba ti be ti mbi, tënë ti nyen laa ala yeke tene ande na lo? Ala tene: yengo so mbi ye lo so asara mbi kobela.

⁹Mo wali so mo pendere mo hon awali kue so, kamba ti be ti mo ahon ambeni koli na nyen si mo yeke voro e tongaso so?

¹⁰Kamba ti be ti mbi, lo pendere mingi, lo be bengo; akoli saki baleoko alingbi na lo pepe.

¹¹Li ti lo ayeke tongana lôro ti nzoni ni, kua ti li ti lo apendere mingi, avuko vukongo tongana *kpakpo.

¹²Le ti lo ayeke tongana *ambipa so ayeke na yanga ti ngu. Ala yeke duti na yanga ti kopo si ala yeke sukula tere ti ala na ya ti ngu ti me.

¹³Ngbangba ti lo ayeke tongana yaka ti yombo, yaka so a lu apere so ayeke fun nzoni daa. Poro ti yanga ti lo ayeke tongana apendere kongo so *mire ayeke sigigi daa.

¹⁴Maboko ti lo ayeke tongana aye ti maboko ti lôro so a zia topaze na tere ni. Tere ti lo ayeke tongana pembe ti doli so a zia safir na tere ni.

¹⁵Gere ti lo ayeke tongana angbongboro vuru têne ti marbre so aluti na ndö ti gere ni so ayeke na lôro ti nzoni ni. Ndö ti le ti lo ayeke tongana ahoto ti Liban, lo pendere tongana keke ti sedre.

¹⁶Tongana lo su yanga ti mbi, anzere nzerengo, tere ti lo kue laa mbi ye ni. Ala amolenge-wali ti Jérusalem, baa kamba ti be ti mbi laa, koli so mbi ye lo mingi so laa.