Read La Sankta Biblio esparanto Genezo 5 Bible Online

Genezo 5 - La Sankta Biblio esparanto bible

Genezo 5

¹Jen estas la libro de naskoj de Adam. Kiam Dio kreis la homon, Li faris lin laŭ la bildo de Dio;

²kiel viron kaj virinon Li kreis ilin, kaj Li benis ilin kaj donis al ili la nomon Homo en la tago de ilia naskiĝo.

³Kaj Adam vivis cent tridek jarojn, kaj al li naskiĝis filo laŭ lia bildo kaj simileco, kaj li donis al li la nomon Set.

⁴Kaj Adam vivis, post kiam naskiĝis al li Set, okcent jarojn, kaj naskiĝis al li filoj kaj filinoj.

⁵Kaj la tuta vivo, kiun travivis Adam, estis naŭcent tridek jaroj, kaj li mortis.

⁶Kaj Set vivis cent kvin jarojn, kaj naskiĝis al li Enoŝ.

⁷Kaj Set vivis, post kiam naskiĝis al li Enoŝ, okcent sep jarojn, kaj naskiĝis al li filoj kaj filinoj.

⁸Kaj la tuta vivo de Set estis naŭcent dek du jaroj, kaj li mortis.

⁹Kaj Enoŝ vivis naŭdek jarojn, kaj naskiĝis al li Kenan.

¹⁰Kaj Enoŝ vivis, post kiam naskiĝis al li Kenan, okcent dek kvin jarojn, kaj naskiĝis al li filoj kaj filinoj.

¹¹Kaj la tuta vivo de Enoŝ estis naŭcent kvin jaroj, kaj li mortis.

¹²Kaj Kenan vivis sepdek jarojn, kaj naskiĝis al li Mahalalel.

¹³Kaj Kenan vivis, post kiam naskiĝis al li Mahalalel, okcent kvardek jarojn, kaj naskiĝis al li filoj kaj filinoj.

¹⁴Kaj la tuta vivo de Kenan estis naŭcent dek jaroj, kaj li mortis.

¹⁵Kaj Mahalalel vivis sesdek kvin jarojn, kaj naskiĝis al li Jared.

¹⁶Kaj Mahalalel vivis, post kiam naskiĝis al li Jared, okcent tridek jarojn, kaj naskiĝis al li filoj kaj filinoj.

¹⁷Kaj la tuta vivo de Mahalalel estis okcent naŭdek kvin jaroj, kaj li mortis.

¹⁸Kaj Jared vivis cent sesdek du jarojn, kaj naskiĝis al li Ĥanoĥ.

¹⁹Kaj Jared vivis, post kiam naskiĝis al li Ĥanoĥ, okcent jarojn, kaj naskiĝis al li filoj kaj filinoj.

²⁰Kaj la tuta vivo de Jared estis naŭcent sesdek du jaroj, kaj li mortis.

²¹Kaj Ĥanoĥ vivis sesdek kvin jarojn, kaj naskiĝis al li Metuŝelaĥ.

²²Kaj Ĥanoĥ iradis kun Dio, post kiam naskiĝis al li Metuŝelaĥ, tricent jarojn, kaj naskiĝis al li filoj kaj filinoj.

²³Kaj la tuta vivo de Ĥanoĥ estis tricent sesdek kvin jaroj.

²⁴Kaj Ĥanoĥ iradis kun Dio; kaj li malaperis, ĉar Dio lin prenis.

²⁵Kaj Metuŝelaĥ vivis cent okdek sep jarojn, kaj naskiĝis al li Lemeĥ.

²⁶Kaj Metuŝelaĥ vivis, post kiam naskiĝis al li Lemeĥ, sepcent okdek du jarojn, kaj naskiĝis al li filoj kaj filinoj.

²⁷Kaj la tuta vivo de Metuŝelaĥ estis naŭcent sesdek naŭ jaroj, kaj li mortis.

²⁸Kaj Lemeĥ vivis cent okdek du jarojn, kaj naskiĝis al li filo.

²⁹Kaj li donis al li la nomon Noa, dirante: Ĉi tiu konsolos nin en niaj faroj kaj en la laboroj de niaj manoj sur la tero, kiun la Eternulo malbenis.

³⁰Kaj Lemeĥ vivis, post kiam naskiĝis al li Noa, kvincent naŭdek kvin jarojn, kaj naskiĝis al li filoj kaj filinoj.

³¹Kaj la tuta vivo de Lemeĥ estis sepcent sepdek sep jaroj, kaj li mortis.

³²Kaj Noa havis la aĝon de kvincent jaroj, kaj al Noa naskiĝis Ŝem, Ĥam, kaj Jafet.