Read La Sankta Biblio esparanto Nehemja 7 Bible Online

Nehemja 7 - La Sankta Biblio esparanto bible

Nehemja 7

¹Kiam la murego estis konstruita, mi starigis la pordojn; kaj ricevis siajn oficojn la pordegistoj, la kantistoj, kaj la Levidoj.

²Kaj mi donis ordonon al mia frato Ĥanani, kaj al Ĥananja, kastelestro de Jerusalem (ĉar li estis homo fidela, kaj diotima pli ol multaj aliaj),

³kaj mi diris al ili: Oni ne malfermu la pordegojn de Jerusalem, antaŭ ol la suno estos bone varmiga; kaj tiel longe, kiel ili staras, ili restigu la pordegojn fermitaj kaj ŝlositaj; kaj oni starigu gardon el la loĝantoj de Jerusalem, ĉiun sur lia gardoloko kaj ĉiun kontraŭ lia domo.

⁴Sed la urbo estis vasta kaj granda, kaj da loĝantoj estis en ĝi nemulte, kaj la domoj ne estis konstruitaj.

⁵Kaj mia Dio min inspiris, kaj mi kunvenigis la eminentulojn kaj la estrojn kaj la popolon, por ilin registri. Kaj mi trovis la genealogian registron de tiuj, kiuj venis antaŭe, kaj mi trovis, ke en ĝi estas skribite jene:

⁶Jen estas la loĝantoj de la lando, kiuj iris el la forkaptitoj, kiujn forkondukis Nebukadnecar, reĝo de Babel, kaj kiuj revenis en Jerusalemon kaj en Judujon, ĉiu en sian urbon,

⁷kiuj venis kun Zerubabel, Jeŝua, Neĥemja, Azarja, Raamja, Naĥamani, Mordeĥaj, Bilŝan, Misperet, Bigvaj, Neĥum, Baana. La nombro de la viroj de la popolo Izraela estis:

⁸de la idoj de Paroŝ, du mil cent sepdek du,

⁹de la idoj de Ŝefatja, tricent sepdek du,

¹⁰de la idoj de Araĥ, sescent kvindek du,

¹¹de la idoj de Paĥat-Moab, el la idoj de Jeŝua kaj Joab, du mil okcent dek ok,

¹²de la idoj de Elam, mil ducent kvindek kvar,

¹³de la idoj de Zatu, okcent kvardek kvin,

¹⁴de la idoj de Zakaj, sepcent sesdek,

¹⁵de la idoj de Binuj, sescent kvardek ok,

¹⁶de la idoj de Bebaj, sescent dudek ok,

¹⁷de la idoj de Azgad, du mil tricent dudek du,

¹⁸de la idoj de Adonikam, sescent sesdek sep,

¹⁹de la idoj de Bigvaj, du mil sesdek sep,

²⁰de la idoj de Adin, sescent kvindek kvin,

²¹de la idoj de Ater, el la domo de Ĥizkija, naŭdek ok,

²²de la idoj de Ĥaŝum, tricent dudek ok,

²³de la idoj de Becaj, tricent dudek kvar,

²⁴de la idoj de Ĥarif, cent dek du,

²⁵de la idoj de Gibeon, naŭdek kvin,

²⁶de la loĝantoj de Bet-Leĥem kaj de Netofa, cent okdek ok,

²⁷de la loĝantoj de Anatot, cent dudek ok,

²⁸de la loĝantoj de Bet-Azmavet, kvardek du,

²⁹de la loĝantoj de Kirjat-Jearim, Kefira, kaj Beerot, sepcent kvardek tri,

³⁰de la loĝantoj de Rama kaj Geba, sescent dudek unu,

³¹de la loĝantoj de Miĥmas, cent dudek du,

³²de la loĝantoj de Bet-El kaj Aj, cent dudek tri,

³³de la loĝantoj de Nebo-Aĥer, kvindek du,

³⁴de la idoj de la alia Elam, mil ducent kvindek kvar,

³⁵de la idoj de Ĥarim, tricent dudek,

³⁶de la idoj de Jeriĥo, tricent kvardek kvin,

³⁷de la idoj de Lod, Ĥadid, kaj Ono, sepcent dudek unu,

³⁸de la idoj de Senaa, tri mil naŭcent tridek.

³⁹De la pastroj: de la idoj de Jedaja, el la domo de Jeŝua, naŭcent sepdek tri,

⁴⁰de la idoj de Imer, mil kvindek du,

⁴¹de la idoj de Paŝĥur, mil ducent kvardek sep,

⁴²de la idoj de Ĥarim, mil dek sep.

⁴³De la Levidoj: de la idoj de Jeŝua, el la domo de Kadmiel, el la filoj de Hodja, sepdek kvar.

⁴⁴De la kantistoj: de la idoj de Asaf, cent kvardek ok.

⁴⁵De la pordegistoj: la idoj de Ŝalum, la idoj de Ater, la idoj de Talmon, la idoj de Akub, la idoj de Ĥatita, la idoj de Ŝobaj, cent tridek ok.

⁴⁶De la Netinoj: la idoj de Ciĥa, la idoj de Ĥasufa, la idoj de Tabaot,

⁴⁷la idoj de Keros, la idoj de Sia, la idoj de Padon,

⁴⁸la idoj de Lebana, la idoj de Ĥagaba, la idoj de Ŝalmaj,

⁴⁹la idoj de Ĥanan, la idoj de Gidel, la idoj de Gaĥar,

⁵⁰la idoj de Reaja, la idoj de Recin, la idoj de Nekoda,

⁵¹la idoj de Gazam, la idoj de Uza, la idoj de Paseaĥ,

⁵²la idoj de Besaj, la idoj de Meunim, la idoj de Nefiŝesim,

⁵³la idoj de Bakbuk, la idoj de Ĥakufa, la idoj de Ĥarĥur,

⁵⁴la idoj de Baclit, la idoj de Meĥida, la idoj de Ĥarŝa,

⁵⁵la idoj de Barkos, la idoj de Sisra, la idoj de Tamaĥ,

⁵⁶la idoj de Neciaĥ, la idoj de Ĥatifa.

⁵⁷La idoj de la servantoj de Salomono: la idoj de Sotaj, la idoj de Soferet, la idoj de Perida,

⁵⁸la idoj de Jaala, la idoj de Darkon, la idoj de Gidel,

⁵⁹la idoj de Ŝefatja, la idoj de Ĥatil, la idoj de Poĥeret-Cebaim, la idoj de Amon.

⁶⁰La nombro de ĉiuj Netinoj kaj de la idoj de la servantoj de Salomono estis tricent naŭdek du.

⁶¹Kaj jen estas la elirintoj el Tel-Melaĥ, Tel-Ĥarŝa, Kerub, Adon, kaj Imer, kiuj ne povis montri sian patrodomon kaj devenon, ĉu ili devenas de Izrael:

⁶²la idoj de Delaja, la idoj de Tobija, la idoj de Nekoda, sescent kvardek du.

⁶³Kaj el la pastroj: la idoj de Ĥabaja, la idoj de Hakoc, la idoj de Barzilaj, kiu prenis al si edzinon el la filinoj de Barzilaj, la Gileadano, kaj estis nomata per ilia nomo.

⁶⁴Ili serĉis siajn dokumentojn genealogiajn, sed ĉi tiuj ne troviĝis; tial ili estis eligitaj el la listo de la pastroj.

⁶⁵Kaj la regionestro diris al ili, ke ili ne manĝu el la plejsanktaĵo, ĝis aperos pastro kun la signoj de lumo kaj de justo.

⁶⁶La tuta komunumo kune konsistis el kvardek du mil tricent sesdek homoj,

⁶⁷krom iliaj sklavoj kaj sklavinoj, kies nombro estis sep mil tricent tridek sep, kaj al tio estis ducent kvardek kvin kantistoj kaj kantistinoj.

⁶⁸Da ĉevaloj ili havis sepcent tridek ses; da muloj ili havis ducent kvardek kvin;

⁶⁹da kameloj ili havis kvarcent tridek kvin; da azenoj ses mil sepcent dudek.

⁷⁰Kelkaj el la ĉefoj de patrodomoj donis por la laboroj: la regionestro donis por la trezorejo: mil darkemonojn da oro, kvindek aspergajn kalikojn, kvincent tridek pastrajn vestojn.

⁷¹El la ĉefoj de patrodomoj, kelkaj donis en la trezorejon de la laboroj dudek mil darkemonojn da oro kaj du mil ducent min'ojn da arĝento.

⁷²Kaj kion donis la ceteraj el la popolo, tio estis: dudek mil darkemonoj da oro kaj du mil min'oj da arĝento kaj sesdek sep pastraj vestoj.

⁷³Kaj ekloĝis la pastroj kaj la Levidoj kaj la pordegistoj kaj la kantistoj kaj la popolanoj kaj la Netinoj kaj la tuta Izrael en siaj urboj. Kiam venis la sepa monato, la Izraelidoj estis jam en siaj urboj.