Read La Sankta Biblio esparanto Ijob 4 Bible Online

Ijob 4 - La Sankta Biblio esparanto bible

Ijob 4

¹Kaj ekparolis Elifaz, la Temanano, kaj diris:

²Se oni provos diri al vi vorton, tio eble estos por vi turmenta? Sed kiu povas deteni sin de parolado?

³Jen vi multajn instruis, Kaj manojn senfortiĝintajn vi refortigis;

⁴Falantojn restarigis viaj vortoj, Kaj fleksiĝantajn genuojn vi fortigis;

⁵Kaj nun, kiam tio trafis vin, vi perdis la forton; Ĝi ektuŝis vin, kaj vi ektimis.

⁶Ĉu ne via timo antaŭ Dio estas via konsolo? Ĉu la virteco de viaj vojoj ne estas via espero?

⁷Rememoru do, ĉu pereis iu senkulpa? Kaj kie virtuloj estis ekstermitaj?

⁸Kiel mi vidis, tiuj, kiuj plugis pekojn kaj semis malbonagojn, Tiuj ilin rikoltas;

⁹De la ekblovo de Dio ili pereas, Kaj de la ekspiro de Lia kolero ili malaperas.

¹⁰La kriado de leono kaj la voĉo de leopardo silentiĝis, Kaj la dentoj de junaj leonoj rompiĝis;

¹¹Leono pereis pro manko de manĝaĵo, Kaj idoj de leonino diskuris.

¹²Kaj al mi kaŝe alvenis vorto, Kaj mia orelo kaptis parteton de ĝi.

¹³Dum meditado pri la vizioj de la nokto, Kiam profunda dormo falas sur la homojn,

¹⁴Atakis min teruro kaj tremo, Kaj ĉiuj miaj ostoj eksentis timon.

¹⁵Kaj spirito traflugis antaŭ mi, Kaj la haroj sur mia korpo rigidiĝis.

¹⁶Staris bildo antaŭ miaj okuloj, sed mi ne povis rekoni ĝian aspekton; Estis silento, kaj mi ekaŭdis voĉon, dirantan:

¹⁷Ĉu homo estas pli justa ol Dio? Ĉu viro estas pli pura ol lia Kreinto?

¹⁸Vidu, al Siaj servantoj Li ne konfidas, Kaj Siajn anĝelojn Li trovas mallaŭdindaj:

¹⁹Des pli koncerne tiujn, Kiuj loĝas en argilaj dometoj, Fonditaj sur tero, Kaj kiujn formanĝas vermoj.

²⁰De la mateno ĝis la vespero ili disfalas, Pereas por ĉiam, kaj neniu tion atentas.

²¹La fadeno de ilia vivo estas distranĉita; Ili mortas, kaj ne en saĝeco.