Read La Sankta Biblio esparanto Psalmo 108 Bible Online

Psalmo 108 - La Sankta Biblio esparanto bible

Psalmo 108

¹Kanto. Psalmo de David. Fortika estas mia koro, ho Dio; Mi kantos kaj gloros kun mia honoro.

²Vekiĝu, psaltero kaj harpo; Mi vekos la matenan ĉielruĝon.

³Mi gloros Vin, ho Eternulo, inter la popoloj; Kaj mi prikantos Vin inter la gentoj.

⁴Ĉar granda ĝis super la ĉielo estas Via boneco, Kaj ĝis la nuboj estas Via vero.

⁵Altiĝu super la ĉielo, ho Dio; Kaj Via gloro estu super la tuta tero.

⁶Por ke liberiĝu viaj amatoj, Helpu per Via dekstra mano, kaj aŭskultu min.

⁷Dio diris en Sia sanktejo: Mi triumfos; Mi dividos Ŝeĥemon, kaj la valon Sukot Mi mezuros.

⁸Al Mi apartenas Gilead, al Mi apartenas Manase; Efraim estas la forto de Mia kapo, Jehuda estas Mia sceptro.

⁹Moab estas Mia lavopelvo; Sur Edomon Mi ĵetos Mian ŝuon; Super Filiŝtujo Mi triumfe krios.

¹⁰Kiu enkondukos min en fortikigitan urbon? Kiu alkondukos min ĝis Edom?

¹¹Ĉu ne Vi, ho Dio, forlasis nin? Vi ne eliras, ho Dio, kun niaj militistaroj.

¹²Donu al ni helpon kontraŭ la malamiko; Vanta estas helpo de homo.

¹³Kun Dio ni faros heroaĵojn; Kaj Li dispremos niajn malamikojn.