Read La Sankta Biblio esparanto Psalmo 124 Bible Online

Psalmo 124 - La Sankta Biblio esparanto bible

Psalmo 124

¹Kanto de suprenirado. De David. Se la Eternulo ne estus kun ni, Diru nun Izrael,

²Se la Eternulo ne estus kun ni, Kiam homoj leviĝis kontraŭ ni:

³Tiam ili englutus nin vivajn, Kiam ekflamis kontraŭ ni ilia kolero;

⁴Tiam dronigus nin akvo, torento kovrus nian animon;

⁵Tiam kovrus nian animon pereiga akvo.

⁶Benata estu la Eternulo, Kiu ne fordonis nin kiel rabakiron al iliaj dentoj.

⁷Nia animo liberiĝis, kiel birdo el la reto de kaptistoj; La reto disŝiriĝis, kaj ni liberiĝis.

⁸Nia helpo estas en la nomo de la Eternulo, Kiu kreis la ĉielon kaj la teron.