Read La Sankta Biblio esparanto Psalmo 146 Bible Online

Psalmo 146 - La Sankta Biblio esparanto bible

Psalmo 146

¹Haleluja! Gloru, ho mia animo, la Eternulon.

²Mi gloros la Eternulon en la daŭro de mia tuta vivo, Mi kantos al mia Dio tiel longe, kiel mi estos.

³Ne fidu eminentulojn, Homidon, kiu ne povas helpi.

⁴Eliras lia spirito, li reiras en sian teron; Kaj en tiu tago neniiĝas ĉiuj liaj intencoj.

⁵Bone estas al tiu, kies helpo estas la Dio de Jakob, Kiu esperas al la Eternulo, lia Dio,

⁶Kiu kreis la ĉielon kaj la teron, La maron, kaj ĉion, kio estas en ili, Kiu gardas la veron eterne;

⁷Kiu faras justecon al la prematoj, Donas panon al la malsataj. La Eternulo liberigas la malliberulojn;

⁸La Eternulo malfermas la okulojn al la blinduloj; La Eternulo restarigas la kurbigitojn; La Eternulo amas la virtulojn;

⁹La Eternulo gardas la enmigrintojn, Subtenas orfon kaj vidvinon; Sed la vojon de malvirtuloj Li pereigas.

¹⁰La Eternulo reĝas eterne, Via Dio, ho Cion, por ĉiuj generacioj. Haleluja!