Read La Sankta Biblio esparanto Psalmo 20 Bible Online

Psalmo 20 - La Sankta Biblio esparanto bible

Psalmo 20

¹Al la ĥorestro. Psalmo de David. La Eternulo aŭskultu vin en tago de mizero; Defendu vin la nomo de Dio de Jakob.

²Li sendu al vi helpon el la sanktejo, Kaj el Cion Li vin fortigu.

³Li rememoru ĉiujn viajn oferdonojn, Kaj via brulofero aperu grasa antaŭ Li. Sela.

⁴Li donu al vi tion, kion deziras via koro; Kaj ĉiujn viajn intencojn Li plenumu.

⁵Ni estos gajaj pro Via venko, Kaj pro la nomo de nia Dio ni levos standardon. La Eternulo plenumu ĉiujn viajn petojn.

⁶Nun mi ekscias, ke la Eternulo savas Sian sanktoleiton; Li aŭskultas lin el Sia sankta ĉielo, Forte savas lin per Sia dekstra mano.

⁷Unuj fidas veturilojn, aliaj ĉevalojn; Sed ni alvokas la nomon de la Eternulo, nia Dio.

⁸Ili ŝanceliĝas kaj falas, Kaj ni staras kaj tenas nin forte.

⁹Ho Eternulo, savu; La Reĝo respondu al ni, kiam ni vokas al Li.