Read La Sankta Biblio esparanto Psalmo 28 Bible Online

Psalmo 28 - La Sankta Biblio esparanto bible

Psalmo 28

¹De David. Al Vi, ho Eternulo, mi vokas; Mia Roko, ne silentu al mi; Se Vi silentos al mi, mi similiĝos al tiuj, Kiuj iras en la tombon.

²Aŭskultu la voĉon de mia petego, kiam mi krias al Vi, Kiam mi levas miajn manojn al Via plejsanktejo.

³Ne kunpereigu min kune kun malpiuloj, kaj kun krimfarantoj, Kiuj parolas pace kun siaj proksimuloj, Dum malbono estas en ilia koro.

⁴Redonu al ili laŭ iliaj faroj kaj laŭ iliaj malbonaj agoj; Laŭ la faroj de iliaj manoj redonu al ili; Redonu al ili, kion ili meritas.

⁵Ĉar ili ne atentas la agojn de la Eternulo Kaj la farojn de Liaj manoj, Li disbatos ilin kaj ne rekonstruos.

⁶Glorata estu la Eternulo, Ĉar Li aŭskultis la voĉon de mia petego.

⁷La Eternulo estas mia forto kaj mia ŝildo; Lin fidis mia koro, kaj Li helpis min; Tial ekĝojas mia koro, Kaj per mia kanto mi Lin gloros.

⁸La Eternulo estas ilia forto, Li estas savanta forto por Sia sanktoleito.

⁹Helpu Vian popolon kaj benu Vian heredon, Kaj paŝtu kaj altigu ilin eterne.