Read La Sankta Biblio esparanto Psalmo 36 Bible Online

Psalmo 36 - La Sankta Biblio esparanto bible

Psalmo 36

¹Al la ĥorestro. De David, sklavo de la Eternulo. La pekado de malpiulo parolas al lia koro; Antaŭ liaj okuloj ne ekzistas timo antaŭ Dio.

²Ĉar ĝi flatas al li en liaj okuloj, Ĝis lia pekado eltroviĝos kaj li malamiĝos.

³La paroloj de lia buŝo estas krimo kaj malvero; Li ne volas kompreni, por fari bonon.

⁴Krimon li pripensas sur sia kuŝejo; Li staras sur vojo ne bona; Malbonon li ne abomenas.

⁵Ho Eternulo, ĝis la ĉielo atingas Via boneco, Via vereco ĝis la nuboj.

⁶Via justeco estas kiel la montoj de Dio, Viaj juĝoj estas granda abismo; Homon kaj bruton Vi helpas, ho Eternulo.

⁷Kiel grandvalora estas Via favoro, ho Dio! Kaj la homidoj ricevas rifuĝon en la ombro de Viaj flugiloj.

⁸Ili satiĝas per la riĉa havo de Via domo, Kaj el la rivero de Viaj bonaĵoj Vi ilin trinkigas.

⁹Ĉar ĉe Vi estas la fonto de vivo, Kaj en Via lumo ni vidas lumon.

¹⁰Venigu Vian favoron sur tiujn, kiuj Vin konas, Kaj Vian bonecon sur la honestulojn.

¹¹Ne paŝu sur min piedo de fiereco, Kaj mano de malpiuloj ne renversu min.

¹²Tie falu la farantoj de malbono; Ili estu renversitaj kaj ne povu sin levi.