Read La Sankta Biblio esparanto Psalmo 66 Bible Online

Psalmo 66 - La Sankta Biblio esparanto bible

Psalmo 66

¹Al la ĥorestro. Kanto-psalmo. Ĝoje kriu al Dio tuta la tero.

²Muziku la gloron de Lia nomo, Faru honoron al Lia gloro.

³Diru al Dio: Kiel timindaj estas Viaj faroj! Pro Via granda forto kaŝiĝas antaŭ Vi Viaj malamikoj.

⁴La tuta tero kliniĝas antaŭ Vi kaj kantas al Vi, Kantas Vian nomon. Sela.

⁵Venu, kaj rigardu la farojn de Dio, Kiu estas timinda pro Siaj faroj inter la homidoj.

⁶Li faris el maro sekan teron; Riveron oni transpaŝis piede; Tie ni ĝojis pro Li.

⁷Li regas per Sia potenco eterne; Liaj okuloj rigardas la popolojn; La ribelantoj ne leviĝu. Sela.

⁸Laŭdu, ho popoloj, nian Dion, Kaj laŭte aŭdigu Lian gloron.

⁹Li donis vivon al nia animo, Kaj ne lasis falŝanceliĝi nian piedon.

¹⁰Ĉar Vi esploris nin, ho Dio; Vi refandis nin, kiel oni refandas arĝenton.

¹¹Vi enirigis nin en kaptilon, Vi metis ŝarĝon sur niajn lumbojn;

¹²Vi rajdigis homojn sur niaj kapoj; Ni trapasis fajron kaj akvon, Sed Vi elirigis nin en bonstaton.

¹³Mi eniros en Vian domon kun bruloferoj; Mi plenumos al Vi miajn promesojn,

¹⁴Kiujn eligis miaj lipoj kaj elparolis mia buŝo, Kiam mi estis en premo.

¹⁵Grasajn bruloferojn mi alportos al Vi kun fumo de virŝafoj; Mi oferos bovidojn kaj kaprojn. Sela.

¹⁶Venu, aŭskultu, ĉiuj, kiuj timas Dion; Kaj mi rakontos, kion Li faris por mia animo.

¹⁷Al Li mi vokis per mia buŝo, Kaj Lia glorado estis sub mia lango.

¹⁸Se mi vidus maljustaĵon en mia koro, Mia Sinjoro min ne aŭskultus;

¹⁹Sed Dio aŭskultis, Li atentis la voĉon de mia preĝo.

²⁰Glorata estu Dio, Kiu ne forpuŝis mian preĝon kaj ne rifuzis al mi Sian bonecon.